Embedded Files
Fifth Sunday in Ordinary Time
Fifth Sunday in Ordinary Time
Lectionary: 73 (February 8, 2026)
A rawl a ṭammi kha nan rawl hrawm hna u law inn ngei lo misifak kha tlun inn onh hna u. Aih awk a ngei lomi kha thilpuan ṭhen hna u law nan sahlawh le nan rualchan hna kha bawm loin um hna hlah u. Hi hi ka duhmi rawl ulh phun cu a si."Cu ti nan tuah ahcun kan dawt hnanak kha nan cungah zinglei ni ceu bangin a ceu lai i nan hma cu khulrang in a dam lai. Nanmah khamh awkah nan sinah ka um zungzal lai; nan sin i ka umnak nih cun a kam kip in an ven hna lai.Thla nan cam tikah kan leh hna lai. Nan ka chawnh tikah kan chawnh ve hna lai. "Hremnak le nautatnak le holh ṭha lo kha nan ngol irawlṭam mi kha rawl nan pek hna i herhbau in khua a sami kha an herhnak nan bawmh hna ahcun, nannih an zultu hna muihnak kha chun ceu ah a cang lai.
R. Milungthiang, misiang, minunnem le miding hna caah khuamui lak mei-inn bang a tlaang.
4 Zeicahtiah amah cu milungthiang, misiang, minunnem le miding hna caah khuamui lak mei-inn bang a tlaang. 5 Zaangram lo in a cawihtu, a tuah mi kip ah a lung a thiang mi hna ca ah zeizongte cu an tluang;
6 zei tik hmanh ah a tlu a ril lai lo, miding cu philh an si bal lai lo. 7 An ca ah thawngpang chia cu tih an nung lo, a lung a fek i Bawipa kha aa bochan.
8 A lung a hmun i a ral hna kha a tih hna lo, a ral hna cung ah a di a riam te lai. 9 Miharsa kha zaangram lo in a pek hna, a dinfelnak cu zungzal fek tein a dir, a minthannak cu a thawnnak cung ah aa hngat.
Ka u le ka nau hna, nan sin i Pathian biathli chim awk i ka rat ah khan, biathluan sausau le cathiam sang pawl nih an hmanmi bia kha ka hmang hna lo.Zeicahtiah nan sin i ka um lioah khan Jesuh Khrih le vailam i an thahnak kong dah ti lo cu a dang zeihmanh ruah le khah kaa timhmi a um lo.Cucaah nan sin i ka rat ah khan tla hnimhniamte le therphang lengmang in ka um ikan cawnpiaknak hna le ka phungchimmi ah khan nan lung an pemtu hna cu minung fimthiamnak holh dawhdawh kha si loin Pathian Thlarau ṭhawnnak tu kha a si deuh.Cucaah cun nan zumhnak cu minung fimnak ah aa bunhmi si loin Pathian ṭhawnnak i aa bunhmi tu a si deuh.
R. Alleluia, alleluia.John 8:12
Jesuh nih mizapi kha bia a chimh ṭhan hna tikah annih kha, “Keimah cu vawlei ceunak ka si; ka hnu a ka zul mi poh nih cun khuamui ah an vak lai lo i nunnak ceunak cu an ngei lai,” tiah a ti hna.
Vawlei ca ah cite le ceunak
13 “Nannih cu vawlei ca ah cite nan si. Sihmanhsehlaw cite cu a alnak a loh ahcun, zei nih dah a alter ṭhan khawh lai? Santlaihnak a ngeih ti lo caah lamh awk men ah hlonh a si cang lai. 14 “Nannih cu vawlei ca ah ceunak nan si. Tlang cung i tlak mi khualipi cu zei hmanh nih a phen kho lo.15 Aho hmanh nih kho khuh awk ah mei an vang bal lo, mei-tung ah khan an chiah i inn chung i a um mi vialte kha a ceuh dih hna. 16 Cu bantuk in nannih nan ceunak zong cu mi hmai ah a ceu awk a si, cuti cun thil ṭha nan tuah mi kha mi nih an hmuh lai i vancung khua i a um mi nan Pa cu an thangṭhat lai.
Page updated
Google Sites
Report abuse