146

Bawmh halnak hla

146 1 Ka thlarau, Bawipa cu thang`hat tuah! 2 Bawipa cu ka nunnak dihlak in ka thang`hat

lai, ka chan chung vialte ka Pathian sin ah ringawn dawh ka thlah lai.

3 Bawi fapale hna cu i bochan hna hlah u, khamhnak huham zei hmanh a ngei lo mi Adam

fale hna aho hmanh i bochanhna hlah u. 4 A thlarau a chuak tik ah vawlei ah a kir `han, cu ni

hrimhrim ah a khuakhannak vialte cu pakpalawng ah an cang dih.

5 Bawmtu ah Jacob Pathian aa ngeih mi cu zei tluk thluachuah dah a si, aa ruahchannak cu

Bawipa a Pathian a si! 6 Amah nih van le vawlei, rili le a chungum vialte kha a ser hna.

7 A biakam kha zungzal in a zulh, hrem mi hna kha a `anh hna i dinnak a pek hna, rawl`am

kha rawl a pek; Bawipa nih thongtla cu a chuah hna.

8 Bawipa nih mitcaw cu khua a hmuhter, a lung a dong mi cu thazaang a pek hna. 9 Bawipa

nih khual kha a huhphenh hna, ngak`ah le nuhmei cu a cawm hna.

Bawipa nih miding cu a dawt i mi`halo cu a hrawh. 10 Bawipa nih zungzal in a uk lai, Zion na

Pathian nih chankhat hnu chankhat in a uk.