96

Siangpahrang le biaceihtu Bawipa

96 1 Bawipa sin ah hla thar sa tuah u! Leimi vialte hna, Bawipa sin ah hla sa tuah u! 2

Bawipa sin ah hla sa u, a min cu conglawmh u!

3 A khamhnak cu nikhat hnu nikhat thanh tuah u, a sunparnak cu miphun dang hna lak ah le

a hmelchunhnak cu mi kip sin ah, thanh tuah u.

4 Bawipa cu a lianngan i thang`hatnak vialte co a tlak, pathian dang vialte hna nakin

khuaruah har a si deuh. 5 Miphun dang pathian vialte cu milem an si.

6 Van hna a rak sertu cu Bawipa a si, a umnak ah cun sunparnak le lianhngannak, a

hmunthiang ah cun sunparnak le dawhnak an um.

7 Miphun chungkhar hna, Bawipa cu hngal tuah u, sunparnak le lianhngannak kha pe tuah u;

8 A min he aa tlak mi sunparnak cu Bawipa kha pe tuah u. Pekchanhnak i put in a tual ah lut

tuah u, 9 Bawipa cu a Thiang mi a sunparnak ceu dawh ah cun bia tuah u. Leimi vialte hna,

a hmaika ah cun ther buin lut tuah u.

10 Miphun dang hna lak ah cun, ‘Bawipa cu siangpahrang a si,’ ti tuah u. Vawlei cu fek tein a

bunh, hninh khawh a si lo. Miphun dang hna cu dinnak he bia a ceih hna lai.

11 Van cu i nuam hna sehlaw vawlei cu i lawm seh! Rili le a chung-um vialte cu hrum in ai

hna seh. 12 Tlangram le a chung-um vialte cu lawm in laam hna seh, cun tuupi i thingkung

vialte cu lawmhnak he au hna seh,

13 Zeicahtiah Bawipa cu a ra lio, vawlei biaceih awk ah a ra cang; leicung kha dinnak he,

miphun dang hna cu, zumhtlak sinak he bia a ceih hna lai.