149

Teinak hla

149 1 Alleluia!

Bawipa sin ah hla thar sa tuah u: a thang`hatnak cu a zum mi hna pumhnak pi ah thanh

tuah u. 2 Israel cu amah a Sertu ah aa lawm lai, Zion fale hna cu an siangpahrang ah

an i nuam lai; 3 a min thang`hat in an laam lai, khuang le dar tum in an thang`hat lai.

4 Zeicahtiah Bawipa nih a mi cu a dawt hna, mitoidor cu khamhnak luchin kha a chinh lai.

5 Amah a zum mi cu sunparnak he an i nuam, lawmhnak authawng he amah cu an biak, 6

Kaphnih-har vainam i put in Pathian cu an aw dih-um in an thang`hat.

7 Cucu miphun hna kha lehrul cham awk,miphun dang hna kha dantatnak pek awk, 8 an

siangpahrang hna cu thir cikcin thlaih awk le an phunbawi hna cu dar-cikcin khih awk; 9

amah a zum mi vialte upatnak ca ah an ca ah rak khiah mi biaceihnak kha tlinter awk caah a

si.