SALM 13:1-6

Zumhnak he nawlnak

13. 1Bawipa, zeican tiang dah na ka philh lai? Zungzal in maw? Bawipa, na hmai cu zeican tiang dah na ka mertak lai? 2 Zeican tiang dah ka lung fahnak cu ngaihchia in chunzan ka in rih lai? Zeican tiang dah ka ral nih a ka lalhnawh lai? 3 Bawipa ka Pathian, run ka zoh law ka let tuah! Khuaceu na ka hmuhter lo ahcun ka thi ko cang lai. 4 Cutin na tuah lo ahcun ka ral nih, ‘Ka tei cang,’ tiin aa pawhlawt lai, ka tluk kha an hmuh tikah an i lawm lai. 5 Bawipa, kei tu cu a fek mi na dawtnak kha kaa bochan. Ka lung cu na khamhnak a pe mi bawmhnak ah i lawm ko seh, 6 a ka bawmhnak ca ah Bawipa cu hla in thang`hat ko ning, Cungnung bik Bawipa min cu hla in thang`hat ko ning.