91

Pathian huhphenhnak tang ah

91 1 Nannih Elion hmunking i a um mi hna, Pathian tlang i zan ah aa dor mi hna; Bawipa

cu, 2 ‘Kaa dornak, ka ralhruang, kaa bochan mi Pathian,’ ti tuah u.

3 Rawhnak ca chiah mi ramvaipa i rap in an tlanh hna; 4 a thla in an huh hna, a thladem tang

ah nan i dor. Zumhtlak a sinak cu phaw le himnak a si.

5 Zanmui `ihnung, chun i a zuang mi fei, 6 khuamui i a tlung tawn mi zawtfahnak, chun laipi

ah a chuak tawn mi nilin `ihnung hna kha na `ih a herh ti lo.

7 Na pawng kam ah thongkhat, na orhlei kam ah thonghra in an tlak hmanh ah, nangmah tu

cu an tawng kho hna lai lo. 8 Mi`halo hna cu zeitin lehrul a cham hna ti hmuh awk ah nan mit

lawng nan au a herh, 9 zeicahtiah nannih nih, ‘Bawipa cu kaa dornak,’ nan rak ti cang i

Cungnung Bik Pathian cu nan ralhruang ah nan rak i ser cang.

10 Zei ngaihchiat harnak hmanh nih an tei kho ti hna lai lo, zei pulrai hmanh nih na thlam cu a

naih kho lai lo; 11 nangmah kha na kalnak poh ah ven ding in a vancung mi cu a cah cang

hna.

12 Lung naa suk sual ah cun an kut in an in cawi lai. 13 Sahrang le rul `ihnung hna cung ah na

vak lai, chiandeih no le rul hna cu na lamhchih hna lai.

14 ‘A sin ah aa awhchih caah ka chanh i ka min a cohlan caah ka cawisan. 15 Ka sin a au tik

ah ka leh: a ngaihchiat caan ah ka umpi, ka chanh i upatnak ka pek. 16 Nun khuasaunak in a

lung ka tlinhter lai i ka khamhnak cu ka hmuhter lai.