MARKA 7:1-37

Farasi hna phunglam

1 Farasimi hna le Jerusalem in a ra mi Phungbia cawnpiaktu cheukhat hna cu a pawngte ah khan an i pum, 2 cun annih nih a zultu cheukhat cu kuthnawm in, cucu, i tawl hmasa lo in, an ei kha an hmuh hna. 3 Zeitintiah Farasim hna, cun Jew hna dihlak, cu upa hna phunglam kha an zul i an kut kha an kiu tiang tawl lo in an ei bal lo, 4 cun dawr in an tin tik ah ti i theh hmasa lo in an ei bal lo. Cu lawng si lo in hrai, um le dar kheng hna tawlnak kongah an pupa hna nih an chanhchin mi hna zulh awk tampi an ngei rih. 

5 Cucaah Farasimi le Phungbia cawnpiaktu hna nih amah cu, ‘Zeicah dah na zultu hna nih upa hna phunglam upat lo in an kuthnawm in rawl an ei?’ tiah an hal. 6 Amah nih, ‘Hi Cathiang ah hin profet Isaiah nih nannih midepde hna kong ah hman ngai in a rak chim chung. A chim mi cu:

              ‘Hi mi hna nih hin an kaa lawng in an ka upat, an lungthin cu keimah he an i hlat tuk. 7 An ka upatnak cu man a ngei lo; an cawnpiak mi fimnak cu zei hmanh si lo in minung nawlbia men an si. 8 Minung phunglam zulh duh ah Pathian nawlbia cu nan hlawt cang hna,’ tiin a leh hna. 9 Cun annih kha, ‘Nan phunglam kilven duh ah zeitluk fim in Pathian nawlbia cu nan fimthiam in nan mersiam cang hna!

 10 Zeicahtiah Moses nih: ‘Na nu le na pa va upat hna, cun, a nu le a pa chiat a serh mi cu thah an si lai,’tiah a ti. 11 Sihmanhsehlaw nannih nih, ‘Mi pakhatkhat nih a nu asilole a pa kha, ‘Nangmah bawmhnak ca ah ka hman ding mi poh cu Korban (Pathian sin pekchanh mi tinak) a si a ti ahcun, 12 cu caan thawk in a nu le a pa kha zei hmanh a bawm kho ti hna lo,’ nan ti. 13 Hitihin nannih nih nan i chanhchin mi nan phunglam hna ruangah Pathian bia cu hmual ngei lo ah nan ser. Cun hi bang in thil tampi nan tuah rih,’ tiah a ti hna.Mi a thurter mi thil hna.

        14 Mi cu a sin ah a auh `han hna i annih kha, ‘Nan dihlak in ngai ulaw nan lung fiang tuah u. 15 Lenglei in a lut mi zei hmanh nih mi kha a thurter lo; chunglei in a hung chuak mi nih mi cu a thurter. 16 Theihhnak hna a ngei mi poh nih an theih awk a si,’ tiah a ti hna. 17 Mibupi he aa hlatnak inn pakhat i a luh tik ah a zultu hna nih kha bianabia kong cu an hal. 

       18 Anih nih, ‘Nanmah hmanh nih nan lung a fiang lo maw?’ Lenglei in chunglei ah a lut mizei hmanh nih mi a thurhter kho lo, 19 zeicahtiah cu hna cu lungthin chung ah lut lo in paw chung ah a lut i tanglei in a chuak. (Cucaah rawl vialte a thiang ti a chim duh). 20 Cun a peh rih mi cu, mi a thurtertu cu mi chung in a chuak mi kha a si. 21 Zeicahtiah chunglei lungthin chung in, ruahnak `ha lo, nulepa sualnak, firnak, lainawnnak, `angdangpom sualnak,

22 hakkauhnak, zertiannak, hlenthawinak, dawhcah lonak, nahchuahnak, mithangchiatnak, porhlawtnak le hruhnak hna hi an chuak. 23 Hithil `halo vialte cu chunglei in a hung chuak i mi kha a thurter,’ tiah a ti hna. 

Siro-Foinisia minu i zumhnak

24 Cu hmun cun a chuak i Tair ram lei ah aa thawh. Cuka ahcun inn pakhat ah a lut i cuka i a um cu aho an hngalh hmanh a duh lo, sihmanhsehlaw aho hmanh hngalh lo cun a um kho lo. 25 Hmakhatte ah thlarau thianglo nih a tuah mi fanu a ngei mi minu pakhat nih amah kong cu a theih tik ah a rak lut i a kehram ah a bawk. 26 Atu hi nu cu a chuahnak in Siro-Foinisiami, miphun dang, a si i a fanu chung i khuachia kha `hawlpiak ding in a nawl. 27 Cu tik ah amah kha, ‘Mah fale cu pek hmasa ding a si ko, zeicahtiah fale hna rawl kha i lak in uifa tete hna pek cu a dik lo,’ tiah a ti.

28 Sihmanhsehlaw minu nih khan, ‘A si ko bawipa, asinain cabuai tang i ui fa tete hna zong nih a tiltlawt cu an ei ve ko,’ tiin a leh. 29 Cu tik ah anih nih minu cu, ‘Hiti na chim caah nuam ngai in na `in kho; khuachia cu na fanu chungin a chuak cang,’ tiah a ti. 30 Cucaah minu cu inn ah a va tin i ngakchiate cu ihkhun cung a rak it i khuachia cu a rak chuah cang kha a va hmuh. Hnachet a damter.

         31 Tair pengin a rak kir tik ah, Dekapoli peng kha tanpah in, Sidon lam lei in Galilee Tidil lei ah a kal. 32 Cun a holh a har i a hna a chet mi pa cu Jesuh sin ah an ratpi i a cung ah a kut a chuan nakhnga an nawl. 33 Amah nih mibupi he an i hlatnak i anmahte lawng an um khawhnak ah a kalpi; a kutdong cu a hnakhaw chung ah a hrolh i a lei cu a cil in a tawngh. 34 Cun van a cau i a thawpi a chuah, cun mipa kha,’Effatha,’ tiah a ti, cucu ‘I hung tuah’ tinak a si. 35 Cun a hna cu an awng, cun hmakhatte ah a lei cu a cang `han i fiang tein a holh kho. 36 Cun hi kong hi aho hmanh chimh lo ding in Jesuh nih a cah hna; sihmanhsehlaw a thlauh deuhdeuh an phuan deuhdeuh a si ve. 37 Cun an khuaruah a har ning cu chim khawh a si lo, annih nih, ‘A tuah mi vialte cu a `ha, hnachet kha a theihter i holh-aa cu bia a chimter,’ tiah an ti.