109

Chiatserhnak

109 1 Ka thang`hat mi Pathian, dai tein um sawh hlah! 2 Ka kong ah bia chiakha le lihbia an

chim, lihbia an ka puh. 3 Aho hmanh kan rak ral hna lo nain huatnak bia nih an ka zelh cang.

4 Kan i hawikomhnak cu thangchiatnak in an ka cham, ka tuah khawh mi cu thlacam te

lawng a si ko cang. 5 Ka `hatnak cu chiatnak, hawikomhnak cu huatnak in an ka cham.

6 ‘Amah ralchanh awk ah mi`halo pakhat, amah kha sual a phawtu ding ah a orhlei kam ah

pakhat in chiah. 7 bia an ceih tik ah misual ah i chuah seh, a thlacamnak hrimhrim nih

lainawng a sinak kha langhter seh’.

8 ‘A chan cu tawi sehlaw mi pakhatkhat nih a rian chang seh, 9 a fale hna cu ngak`ah si hna

sehlaw a nupi cu hmei seh.

10 ‘A fale hna cu zungzal in vakvai hna seh, an innrop khan `hawl in, kutdok si hna seh, 11 lei

a bat mi nih a chawva vialte chut dih sehlaw khual nih a khon mi thil vialte cu tlikpi dih hna

seh.

12 ‘A cung dawtnak a langhter ding mi hnuzul pakhat hmanh tang hlah seh, a ngak`ah hna cu

aho hmanh nih zaangfah hna hlah seh, 13 a ci mit seh, a min cu chankhat chung ah lo dih

seh.

14 ‘Bawipa nih a pupa hna sualnak cu philhpiak bal hlah seh, cun a nu sualnak cu

maimilhpiak bal hlah seh, 15 Bawipa nih hi cu a lung ah chia peng hna seh, an lungphun hna

cu hi vawlei in hnawh dih si hna seh’.

16 A lung ah zumhtlak sinak a um lo, misifak, santlailo le ngaihchia kha thi deng a nemneh

hna. 17 Chiatserh kha a tlaih chan; a cung lila ah tlung hram seh! Thluachuah pek a hngal lo,

a chan ah tong bal hlah seh.

18 Chiatserh hi aa hruk mi a thuam a si; ti bang amah lila kha i ciah ko seh, chiti bang a ruh

tiang hlat dih seh! 19 Amah a tuam dihtu angkifual, aa vorh zungzal mi a puan cu tawi siseh.

20 Cucu Bawipa nih a ka thangchiatnak ca a chammi nihlawh siseh. 21 Bawipa, na min he aa

tlak ning in cham ko hna; na zaangfah dawtnak thawngin ka khamh ko tuah.

22 Kei cu misifak le santlailo ka si bang ka hma cu ka chung tiang an hlat cang; 23 ka nunnak

cu naidem bang a liam cuahmah, khaubawk bang an ka thinh i an ka thlak cang.

24 Rawl lo um ti hrat cu ka khuk zong an ther dih cang, ka pum ah a thau pelte hmanh a um ti

lo i ka der tuk cang. 25 a ka serhsattu hna i capo saihnak men ka si, an ka hmuh tik ah an lu

an ka thinhnawh.

26 Bawipa ka Pathian, ka bawm ko, a fek mi na dawtnak nih a hauh bang in ka khamh ko

tuah. 27 Na kut cu khamhnak-kut a si i hihi cu, Bawipa, nangmah rian a si ti kha hngal hna

seh.

28 Annih cu chiat an serh lai nain nang nih cun thluachuah na pek ko hna, an tukdohnak nih

anmah kha ningzahnak pe hna seh law na sal cu lawmhnak ka pe seh. 29 Sual a ka puhtu

hna cu ningzahnak he khat hna seh, ningzahnak puanlu i khuh hna seh.

30 Bawipa cu lunglawm thanuam in ka lawmh lai, mi vialte hna hmai ah ka thang`hat lai,

31 zeicahtiah amah cu misifak hna lei ah a `ang, annih cu an bia a ceihtu hna kut in chanh ko

hna.