SALM 11:1-

Midingfel hna hnangamnak

11. 1 Bawipa toi ah kaa dor. Zeitin dah, ‘Vate, na tlang ah zuang tuah,’ na ka ti khawh? 2 ‘Zeicahtiah, zoh hmanh, miding kha burbuk chung in kah hna awk ah an likuk cu an i zuh i an cantiang cu an timh cang. 3 Phungbia a um ti lo ahcun miding cu zei dah a tuah khawh lai? 4 Bawipa cu a biakinn thiang ah a um ko! Bawipa `hutdan cu van ah khin a um ko; vawlei cu a run zoh, Adam fale cu `ha tein a zoh hna. 5 Bawipa nih miding le mi`halo kha `ha tein a ngiat hna, zaang-ennak a duh mi cu a huat hna. 6 Mi`halo hna cung ah mei`il-senpi, mei le kaat, kha a surter lai, thli linh cu an covo a si lai. 7 Zeicahtiah Bawipa cu a ding i miding kha a dawt hna, milungthiang nih a hmai cu an hmuh zungzal lai.