139

Zeizong hngaltu Pathian thang`hatnak

139 1 Bawipa, na ka ngiatthlai i na ka hngalh dih, 2 ka `hut le ka dir cu na hngalh dih hna,

ka khuaruahnak hna cu lamhlapi in na hngalh hna. 3 Ka vah tik le ka zau tik ah na ka ngiat,

ka cawlcanghnak cu a dehte tiang na hngalh hna.

4 Bawipa, bia kakhat hmanh ka chim hlan ah na hngalh dih cang hna. 5 Ka hnu he ka hmai

he na ka kulh dih, na kut cu ka cung ah na chuan. 6 Na hngalhnak cu khuaruahhar tuk le a

san tuk ah banh i phak hna ding an si lo.

7 Na thlarau in zaam awk ah khuazei ah dah ka kal lai? Na umnak in khuazei ah dah ka

zaam lai? 8 Van ah ka kai zong ah khika ah nang na um ko, Mithi khua i ka zau zong ah

khika ah nang na um ko.

9 Zing niceu thla hna in ka zuan i rili pinleipi i ka va um zong ah, 10 khika zong ah na kut in na

ka hruai rih lai i, a ka bawmtu na orhlei kut nih fek`hup in na ka tlaih ko lai.

11 ‘Khuamui nih ka khuh seh, cun zan nih ka tuam dih seh,’ ka ti zong ah, 12 nang na ca ah

cun muihnak cu a mui lo i zan cu chun tluk in a ceu.

13 Nangmah nih ka chungril vialte cu na ser hna, ka nu paw chung ah na rak ka pehtonh

cang. 14 Hi khuaruahharnak liangluang hna caah kan lawmh; keimah zong khuaruahhar ka si

i na tuah mi thil vialte zong khuaruahhar an si dih.

Nangmah nih na ka hngalh dih, 15 a thli tein rak ser ka si lio le vawlei tawne ah na rak ka

sersiam lio hmanh ah ka sining vialte cu na sin ah an lang dih ko hna.

16 Na mit nih cun ka nu paw chung kaa semka hmanh ah a rak hmuh khawh cang. Na cauk

chung ah ka nikhua vialte cu `ial dih an si, ser mi vialte cu `ial dih an si ko.

123

17 Pathian, na ruahnak hngalh cu ka ca ah zei tluk in a har, Pathian, zeizat in dah an si! 18 Ka

rel hna ahcun thetse nakin an tam deuh; kan lonh cang ka ti ah hin nangmah he ka um rih

ko.

19 Pathian, nangmah tal nih mi`halo hna hi na hloh dih ah cun ti ka hei duh dah! –

mipuarhrang hna keimah sin in chuak dih u, 20 nangmah thangchiatnak a chim mi hna le na

ruahnak zei ah a rel lo mi hna cu hloh dih ko hna.

21 Bawipa, nangmah an hua mi hna cu ka huat hna i na nawl a buar mi hna cu ka fih hna a si

lo maw? 22 Ka huat hna ning hi a ti tuk dakaw, annih cu ka ral in ka hmuh hna.

23 Pathian, ka ngiathlai law ka hmu tuah, ka hneksak law ka lung ah a um mi cu hngal tuah,

24 Rawhnak lam ka zulh nakhnga lo ka veng law zungzal nunnak lam ah ka hruai tuah.