145

Siangpahrang Pathian thang`hatnak

145 1 Pathian le ka siangpahrang, nang cu vansang ah kan thang`hat lai, na min cu

zungzal in zungzal tiang ka conglawmh lai. 2 Nikhat hnu nikhat kan conglawmh lai, na min cu

zungzal in ka thang`hat lai.

3 Bawipa cu a lianngan i thang`hatnak vialte co aa tlak, a lianhngannak cu hngalh khawh

cawk a si lo.

4 Na tuahsernak i thang`hatnak cu chan khat nih adang chan ah a thanh lai, thil lianngan na

tuah mi cu a phuan lai. 5 Na minthannak cu na sunparnak ceunak a si, khuaruahhar na sinak

tuanbia cu ka ruat len hna lai.

6 Khuaruahhar na huham cu an chim lai i na lianhngannak cu ka chim`han hna lai. 7 Philh

awk `halo na veelngeihnak liangluang cu an chuahpi `han hna lai i lawm in na khamh-dinnak

cu an thanh lai.

8 Bawipa cu minunnem le zaangfahthiam a si, a thin a fual i a fek mi dawtnak in a khat. 9

Bawipa cu mi vialte cung ah vel a ngei, a nunnemnak cu ser mi thil vialte ca ah a si.

10 Bawipa, na ser mi vialte nih anin thang`hat lai i an zumtu hna nih an in conglawmh lai. 11

Na siangpahrang sunparnak cu an phuan lai i na lianhngannak cu an chim lai,

12 Adam fale hna kha thil lianngan na tuah mi, na siangpahrang sinak i sunpar le

lianhngannak cu an theihter hna lai. 13 Na siangpahrang sinak cu zungzal siangpahrang

sinak a si, na pennak cu chankhat hnu chankhat tiang a hmun.

Bawipa bia vialte cu zumhtlak an si i a tuah mi vialte cu a ding. 14 Bawipa nih cun a tlu mi

kha a thawh hna i a kun mi kha a cawi hna.

15 Zeizong vialte nih nangmah cu ruahchannak he anin zoh i khuacaan chuak thlairawl in na

cawm hna. 16 Cun, velngeihnak he na ser mi thilnung vialte cu an duh mi kha na pek hna.

17 Bawipa cu a tuah mi vialte ah a ding, a fek mi dawtnak he lawng in a cawlcang. 18 Amah a

autu vialte hna, an lungthin dihlak in a sin a au mi vialte naih ah a um.

19 Amah a daw mi vialte cu an duh a tling hna, an `ahnak kha a theih i a khamh hna. 20

Bawipa nih amah a daw mi vialte cu a ven hna, sihmanhsehlaw mi`halo hna cu a hrawh dih

hna.

21 Ka hmurka nih Bawipa cu a thang`hat zungzal lai, ser mi vialte nih a min thiang cu

thang`hat hna seh, zungzal in zungzal tiang.