SALM 27:1-14

Pathian he umti ahcun tih awk a um lo

27. 1 Bawipa cu ka ceunak le ka khamhnak a si; aho dah ka `ih lai? Bawipa cu ka nunnak ralhruang a si; aho dah ka `ih lai? 2 Mi`halo hna cu keimah ei awk ah an rak chuak tik ah, a tlu i a ril mi hna cu ka ral, (a ka dohtu) anmah tu, kha an si. 3. Ral nih riahbuk an ka sakhnawh nain ka `ih lai lo; keimah doh awk ah ral an tho nain nangmah kan bochannak cu aa hnin lai lo. 4 Bawipa cu thil pakhat ka hal, pakhatte lawng ka kawl: cucu ka nun chung vialte Bawipa inn ah um awk, Bawipa `hatnak kha teh le a biakinnpi ah lut awk a si. 5 Zeicahtiah har caan ah a inn tang ah a ka thuh, a thlam kilte ah a ka nawh i lungpang sang cungah a ka chiah.6 Atu a ka dum mi hna cu cung in ka zoh hna; a thlam ah cun conglawmh thawinak ka pekchanh lai. Hla ka sa lai i Bawipa cu ka thang`hat lai. 7 Bawipa, ka `ahnak aw cu thei ko, ka zaangfah law ka let ko sawh! 8 Nangmah cu pei ka lung nih, ‘A mit hmai`ha kawl tuah,’ a ka ti cu! Bawipa, na mit hmai`tha cu ka kawl ko; 9 ka mertak sawh hlah. Na sal hi thinhun in kam ah ka nam hlah, nangmah lo cun bawmtu ka ngei lo. Pathian a ka khamhtu, ka kaltak hin hlah, ka hlaw bal sawh hlah. 10 Ka nu le ka pa nih an ka hlawt nain Bawipa nih cun a ka tuamhlawm lai.

11 Bawipa, na lam cu ka cawnpiak law ka ral an tam tuk caah patling sinak lam in ka hruai ko. 12 Ka ral hna diriam in ka hnong hlah ―a dik lo mi tehte khantu hna cu keimah doh awk ah an tho, cun zaang-ennak thaw lawng an chuah. 13 Hihi ka zumh mi a si: a nung mi hna ram ah Bawipa `hatnak cu ka hmu hrimhrim lai. 14 Bawipa cu i bochan ko, na lung der hlah seh, na lung `hawng ko seh, Bawipa cu i bochan ko.