148

Ser mi hna i thang`hatnak hna

148 1 Alleluia!

Van in Bawipa cu thang`hat u, amah cu cungsang ah khin thang`hat u. 2 A vanmi vialte hna,

amah cu thang`hat u. A van ralkapbu vialte hna, amah cu thang`hat tuah u!

3 Nika le thlapa hna, amah cu thang`hat u, a ceu mi arfi vialte hna, amah cu thang`hat u, 4 a

sang bik van hna, amah cu thang`hat u, cung van hna cung i ti hna, amah cu thang`hat tuah

u.

5 Bawipa min cu thang`hat hna seh, annih cu a bia in ser mi an si. 6 Thlen khawh lo mi a

nawlchuah in zungzal ca ah a ser hna.

7 Bawipa cu vawlei in thang`hat u, a nawl a ngai mi rili saram pipi hna le tithuk vialte hna, 8

mei le rialti, hawhra le dap le thlichia vialte hna amah cu thang`hat tuah u.

9 Fing le tlang kip, kuhthing le sidar kung kip, 10 ram saram le innzuat sa`il vialte, rungrul le

thla-ngei vate vialte. 11 Vawlei siangpahrang hna le miphun vialte hna, bawi le vawlei

biaceihtu vialte hna, 12 tlangval le ngaknu vialte hna, upa le ngakchia vialte hna,

hmunkhat in, Bawipa cu thang`hat u.

13 Bawipa min cu thang`hat hna seh, zeicahtiah amah min lawng a sunglawi, lei le van cu a

sunpar ceunak in a khat. 14 Zeicahtiah amah a zumtu hna, Israel fale hna, amah naih i a um

mi hna thang`hatnak ca ah a mi cu an tha a `hawnter hna.