SALM 2:1-12

Messiah sining hmuhsaknak 

2 1 Zeiruangah dah miphun dang hna lak ah hi bang aukhuannak le santlailo phunzainak a um? 2 Vawlei siangpahrang hna cu hmunhma an la i bawi hna nih hmunkhat ah Bawipa le chiti thiang a thuh mi kha an rawiphiar, 3 ‘Atu kan hngawngoih cu phoi hna usih! Atu an kan temnak cikcin cu chat dih hna usih,’ an ti. 

4 Van bawithutdan cung a thu mi cu a ni i Bawipa nih cun capo in a saih hna, 5 cun a thinhun in a hro hna i a thinlinh in tihphannak in a den hna, 6 ‘Keimah hrimhrim nih ka siangpahrang cu ka tlang thiang Zion tlang ah chiti thiang ka thuh cang. 7 Bawipa nawlchuah cu ka thanh lai: Amah nih keimah cu, ‘Nang cu ka fa ah kan ser cang. 8 Ka hal law miphun dang cu na ro ca ah le vawlei pumpaluk cu na chawva ca ah kan pek lai. 9 Bawi thirfung in na uk hna lai i tlak-um bang na khuai dih hna lai,’ tiah a ka ti.

10 Cucaah atu nannih siangpahrang hna, nan lungfim tuah u, vawlei uktu hna, fimnak i lak tuah u! ~ihnak he Bawipa toi ah i dor u; 11 tihnak lungthin he a rian tuan u, ther buin a ke cu hnam u, 12 cu asi lo ahcun a thin a hung lai i nan lam cu zeihmanhlo ah an cang sual lai, zeicahtiah chikhatte ah a thin cu a lin lai. Amah toi ah aa dor mi cu thluachuak mi an si!