81

Deu puai hla

81 1 Kan `hawnnak Pathian sin ah lawmhnak hla sa tuah usih, Jacob Pathian sin ah teinak

he au usih.

2 Ringawn dawh thlah u, khuang tum u, ngaihnuam tingtang le thanglawi kha tum hna u; 3

thlathar ca ah, thlapa lai zan ca ah, kan puai ca ah, muko tum tuah u.

4 Zeicahtiah hihi Israel nih a ngeih mi zulhphung a si, Jakob Pathian i biachahnak le Josef ca

a chuah mi zulhphung a si, 5 Cucu Izipt a rak kalhnawh lio a rak chimh mi a si.

6 Ka theih bal lo mi aw ka theih, ‘A liang in thilrit ka `humhpiak, a kut nih rian`uannak bawm

cu a phuak khawh cang,’ a ti. 7 Ngaihchia in na au caah kan chanh.

‘Khuari chung in kan leh, ‘Meribah tiva ah khan hneksaknak ka rak in tuah; 8 Ka mi hna,

ralrinnak kan pek mi hna hi ngai tuah u; Israel, ka bia hi na rak ngaih a si ahcun mu!

9 ‘Pathian dang na ngei lai lo, ramdang mi pathian cu na bia lai lo. 10 Keimah hi, Izipt in hika

ah a rak in hruai hna tu, Bawipa na Pathian, cu ka si, kan tuh hna nakding na kaa lawng kha

na aan a herh ko.

11 ‘Sihmanhsehlaw ka mi cu ka bia an ngai duh lo, Israel cu kan sin in zei hmanh a cohlang

duh lo. 12 Cucaah an duh in tlonlen awk ah a lungkhawng ning in ka kaltak hna.

13 ‘Ka mi nih ka bia a ngaih, Israel nih ka lam a zulh a si ahcun, 14 voikhat tuk in a ral cu ka

daihter lai, ka kut nih a ral cu a doh lai.

15 ‘Bawipa a hua mi hna cu a hmaika ah `ihphan in an bawk te lai, an sualdantatnak cu

zungzal in a hmun lai, 16 cu lio ah nannih cu changvut thawthaw in kan cawm hna lai i

lungpang khuaihliti in kan khahter hna lai.