SALM 1:1-6

 SALM HLA

Lampi pahnih

1. 1 Mithalo hna pek mi ruahnak kha a hlaw i misual hna an zawh mi lam ah a dir lo mi, cun nihsawh hmang hna lak ah a thu ve lo mi, 2 sihmanhsehlaw Bawipa phunglam ah aa lawm i a phunglam kha chunzan in a chim lengmang mi cu zei tluk thluachuak dah an si! 3 Cu bantuk mi cu tikam ah phun mi thingkung bang an si; a caante ah an thei a tlai i an hnah a uai bal lo, cun a tuah mi kip ah khuaawng an tong. 4 Mithalo cu cu bantuk an si hrimhrim lo! Thli nih a choih len mi favai bang, 5 mithalo cu biaceih ni ah le misual cu miding hna an i pumhnak ah hnangam tein an dir kho lai lo. 6 Zeicahtiah Bawipa nih miding hna lam cu a zoh; sihmanhsehlaw mihalo hna lam cu thihnak lei ah a panh.