SALM 17:1-15

Miding thlacamnak

17. 1 Bawipa, a ding mi kan nawlnak cu ngai tuah, ka `ahnak cu ka theihpiak ko, ka lei cu lih le hrokhrolnak in a luat mi a si bang ka thlacamnak hi ka ngaihpiak ko. 2 Na umnak in ka dinnak tehte cu a chuak lai, na zoh mi cu a hman mi thil hi a si. 3 Ka lungthin cu na purhdah i zan ah `ha tein na ka ngiat, mei in na hneksak i `hatlonak zei hmanh na hmu lo. 4 Mitam deuh nih an tuah bang ka hmurkaa in ka sual lo. Na kaa in a chuak mi bia cu ka sunhsak, 5 ka karhlan cu na ka rinpiak mi lam na keneh in a pial bal lo; cucaah kaa chuihpah bal lai lo. 6 Ka thlacam na rak ka leh caah, Bawipa, na sinah ka au, na hna ka chit law ka chim mi cu thei tuah. 7 A fek mi na dawtnak cu ka hmuhsak ko, zeicahtiah nang cu ral hna `ih in na `hawnnak aa bochan mi hna an khamhtu na si. 8 Na mitfang bang ka veng law na thladem tang ah ka dorter ko, 9 zeicahtiah ka cung ah thil `halo a tuah ding mi hna lak ah ka um i `ihnung ral nih an ka naih cuahmah cang. 10 An so a paw i puarthaunak bia lawng an chim. 11 An ka rat hnawh i atu cu an ka naih tuk cang, keimah kha vawlei ah tengh ding caan`ha lawng an hngak ko cang, 12 an i thupnak in zuanhnawh hmang chiandeih no bang zuanhnawh an ka timh ko cang.13 Tho tuah, Bawipa, amah kha dirhhnawh in thluk ko, na vainam in ka nunnak cu mi`ha lopa kut in ka khamh tuah, 14 Bawipa, a nun hnawhchan cu hi vawlei thil a si mi, mihring leimi kut in, ka khamh ko. An paw cu na rawlbuk in na cawm hna, an fale nih an duh zat in an ei hna lai, cun a tang mi cu an fale kha an chiahtak chin hna lai. 15 Sihmanhsehlaw kei cu ka ding caah na hmai cu ka hmuh lai, cun kaa hlauh tik ah na sunparnak he ka khat lai.