SIRACH  CALETTU I BIAHMAIṬHI

ECCLESIASTICUS OR SIRACH

   CALETTU I BIAHMAIṬHI

Phungbia, Profet le anmah a hun chang mi adang caṭialtu hna nih kannih sin ah fimnak tampi an kan chanh cang, cu ruang ah Israel cu thiamnak le fimnak a cawn hrimhrim ding a si.  Cu lawng si lo mipa pakhat cu carelnak in thiamnak kawl lawng silo in a thiam hnu zong ah a chim mi le a ṭial mi in leng ah a um mi hna ca ah miṭhahnem i chuah ding ṭuanvo a ngei. Keimah ka pu Jesuh cu, Phungbia, Profet hna le adang pupa hna cauk relnak ah caan tampi a rak pek, cun an kong tampi a hngalh cang hnu ah amah hrimhrim zong nih cawnnak le fimnak kong zeimaw tal ṭial ding in aa tim cang, cucu cawng a duh mi hna nih hi phunglam an zulhnak thawng in  14Phungbia ning in zei tin dah a ṭha deuh in nun khawh a si ti kha an cawn naklai a si.

 Cucaah nangmah cu hi cauk hi lungthin thiang he ralring tein rel awk, 18 cun hi cauk kan lehnak ah hin kan i zuam ngai ko nain tlamtling in kan fianter khawh lonak zawn ah teimak deuh in na rel naklai kan in nawl ko; a umtu ning cu ―holh dang in kan leh tikah hebru biafang a muru hna he aa khat bak mi biafang a um lo. Cu pin ah Phungbia hrimhrim, cun Profet hna le cauk a dangdang hna hi hmasa rak leh mi cauk sullam hna he an i dang ngaipah tawn.

Tleicia siangpahrang Euerkete kum 38nak ah khan-  28 Izip ram ah ka rak ra i hika ah hin saunawn ka caam, cun fimthiam sang kawl awkah hika um cu a ṭha ngai ti ka hmuh. Cucaah keimah zong nih a tang mi cauk hna cu rethei le thluak fak in leh awk ṭuanvo ka ngei ti kha ka lung ah a hung pem colh; kan caan tampi lak in ka fimnak ka chuah,  cucu hi caante ah ka rian cu dih in cauk cu chuah awkah a si, cucu ramdang um hna hna an cawn, an nun an i thlen i Phungbia ning in khua an sak khawh nakhnga caah a si.