95

Thang`hat awk sawmnak

95 1 Ra ulaw Bawipa sin ah lawmhnak he au hna usih, kan khamhnak lungpi cu conglawmh

hna usih. 2 Lawmhnak he a hmai ah chuak usih law ringawn dawh he conglawmh usih.

3 Zeicahtiah Bawipa cu a lianngan mi Pathian, pathian vialte hna nakin a lianngan deuh mi

siangpahrang a si.

4 Vawlei thuhnak hna cu a `hawnnak thawng in an si, tlangsang hna cu amah ta an si; 5 rili

cu amah ta an si, amah nih a ser hna, cun tlangram hna zong amah ta an si, a kut in a rak

ser hna.

6 Ra tuah u, kun usih law amah cu bia usih, a kan sertu Bawipa hmai ah kan khuk bil hna

usih! 7 zeicahtiah amah cu kan Pathian, kannih cu a kawm chung i a tuu hna kan si.

Nihin ni ah a bia nan theih a si ahcun! 8 Meribah ah bang, Massah chan lio thetse ram ah

bang, nan lung hak hlah seh, 9 nan pupa hna nih an rak ka zuamcawh, ka tuah mi thil an

hmuh ko nain an rak ka hneksak.

10 Kum sawmli chung, kha miphun nih an ka zawtter, cun kei nih, ‘Lungrep lo hna; ka

phunglam an hngal kho hrim lo hi ta,’ ka rak ti. 11 Cun thinhun in kaa dinhnak hmun ah an lut

bal lai lo tiah chiatserh in bia ka rak i kam.