147

Zeizong tuahkho sin phan mi hla thiang

147 1 Alleluia!

Bawipa cu thang`hat u -kan Pathian sin ah saam hla sak cu a `ha - amah thang`hat cu zei

tluk in a nuamh. 2 Jerusalem cu Bawipa nih a sak `han lai! Israel saltaang hna cu hmunkhat

ah a pumh hna, 3 a lung a kuai mi kha a damh hna i an hma kha a tuampiak hna; 4 arfi cu a

rel hna i pakhat cio kha an min a pek hna.

5 Kan Bawipa cu a lianngan, a `hawng, a fimnak cu chim cawk ding a si lo. 6 Bawipa nih

misifak cu a cawm hna, mi`halo cu vawlei ah a `humh hna. 7 Bawipa sin ah lawmhnak hla sa

tuah u, kan Pathian ca ah tingtang tum tuah u.

8 Van cu minmei in a thuamh i vawlei cu ruahti a pek, ram cu tlangpar ah le thingkung cu

minung hman awk ah a kheoter, 9 sa`il cu rawl a pek i langak no cu an au tik ah rawl a pek

hna.

10 Rang `hawnnak ah aa lawm lo, minung `hawnnak ah a lung a hmui lo; 11 aa nuamhnak cu

amah a `ih mi hna, a fek mi a dawtnak aa bochan mi hna caah a si.

12 Jerusalem, Bawipa cu thang`hat tuah, Zion, na Pathian cu thang`hat tuah.

13 Zeicahtiah na kutka tlang cu a fehter hna, na chung i na ngakchia hna cu thluachuah a

pek hna, 14 na ramri ah daihnak a ser, a thaw bik mi changvut in an khimter.

15 Vawlei ah a bia cu a run thlah i a nawl cu khulrang in rian an `uan, 16 Hawhra kha tuuhmul

bang le dap kha vutcam bang a zamter, 17 rialti cu changreu par bang a tlakter i aho nih dah

a kik cu a celh lai? 18 A bia cu a thlah tik ah annih cu an ti, a thli a hranter tik ah ti cu an luan.

19 Jacob sin ah a bia le Israel sin ah a phunglam le a biaceih lairelnak cu a phuan. 20

Zeicahtiah khuazei miphun sin hmanhah hiti hin a tuah lo, midang aho hmanh nih a biaceih

lairelnak cu an hngal lo.