75

Vawlei biaceihtu

75 1 Pathian, na min kan au i khuaruahhar thil na tuah mi hna kan ruah `han poh ah

lawmhnak kan in pek, lawmhnak kan in pek.

2 A caan a phanh tik ah cun keimah hrimhrim nih dinnak ka lenter lai. 3 Vawlei le a chung-um

vialte cu an i hnin; a tung kha fek tein a tlaitu cu keimah ka si.

4 Miruamkai cu, ‘Na ruamkai hlah,’ mi`halo cu, ‘Na thazaang i chor hlah; 5 Na thazaang ah i

porhlaw tuk hlah, ninghngal tuk in bia chim hlah,’ ka ti.

6 Nitlak lei in nichuah lei ah, ramcar chung ah 7 Pathian nih dinfelnak he bia a ceih, cheukhat

cu a thlak i cheukhat cu a cawisan. 8 Pathian cu ritnak a chuahpi mi mitsur zu in a khat mi

hrai kha aa put, a thlet lai i an rit cikcek tiang an din lai, vawleicung mi`halo vialte nih an din

te lai. 9 Sihmanhsehlaw kei cu Jakob Pathian kong cu zungzal in ka chim lai i hla in ka

thang`hat lai. 10 Mi`halo hna thazaang vialte cu ka chah dih hna lai, cun miding thazaang cu

a tho `han lai.