NGANDAMNAK BAWINU SIN NOVENA THLACAMNAK

            Maw a thiangbik mi Ngaknu Thiang Mary Bawinu, nangmah cu Thumkomh Pathian duhnak bangin Bawi Jesuh a Nu ah thimnak a hmu mi na si. Kan Bawipa Jesuh kha thlakua chung na pawi lio i na lungnuamnak kha rak philh hin hlah tiah kanin nawlnak thlacam aw kha zangfahnak in rak cohlang ko tuah. Bawinu na lunglawmhnak a than chinchin nak hnga lungtho tein upatnak he thla kan cam.

                 Chim khawh loin a ngan tuk hringhran mi na lunglawmhnak kha thangthat in zumhnak le bochannak he a hal mi vialte kha ka bawmh hna lai tiah bia na kam bantukin, ngaihchia lungrethei mi hna kha a hnemtu, maw kan Nu, ka herh mi vel laksawng hna kha run ka halpiak ko tuah.

    Na Fapa a zangfahnak cung le " Hal u law nan hmuh lai" tiah bia a kam mi cungah zumhnak ngeih in, hmual a ngei ngaingai mi Bawinu na thlacampiaknak kha i bochan in toidornak he kan hal ko. Hi Novena nikua chung thlacam can i ka hal mi vel laksawng hna hi Bawipa Pathian duhnak he aa tlak mi vel laksawng kha run ka halpiak ko tuah.

( Hika zawnah kan hal duh mi kha lungthli in chim awk asi.)

Atu ni (9) chung novena ka tuah mi hi Bawinu, na sinah kan pekchanh. Hi kan pekchanhnak hin Bawinu nangmah bawmhnak kha tling tein ka hmuh lai tiah ka zumh ko. Fapa Pathian kha na paw chung i na pawi lio ah na Lungthin Thiang nih a theih mi lunglawmh hnangamnak le na dawtnak kha a hlei in ka thangthat. Hi thangṭhatnak hmelchunhnak caah Vancung mi nih an biachawnhnak a si mi " Maw Mary i lawm ko" thlacamnak vei (9) le nikua chung duhpatnak lungthin tak in kan pekchanh mi Novena thlacamnak kha rak cohlang ko tuah.

MAW MARY…VEI (9) CAM AWK

    Maw a thiang mi Pathian Nu, Vancungmi nih "Maw Mary i lawm ko" tiah upat ngai in an biak bantukin kei nih an pekchanh mi thlacamnak zong hi vancungmi an biaknak bangin rak cohlang ve ko tuah. Hi thlacamnak hna hi vawlei cung khuazakip ah a ceu chinchin mi Bawinu na sunparnak bawi luchin a tamh mi lungvar rak siter ko hna.

            Ngakchia lungrethei mi hna kha a bawm mi, maw ka Nu, Bia minung a rak can lio i na lunglawmhnak kha rak ruat than law hmual a ngei ngai mi na thlacam piaknak kha i bochan in ka hal mi vel laksawng le thluachuahnak kha Bawipa Pathian sinah run ka chanhpiak ko tuah.

    Hi vel laksawng vialte hmuh aa tlak mi ka sinak hnga na cungah thangṭhatnak a pe mi ṭhatnak vialte kha, Bawinu, na sinah kan pekchanh dih. Jesuh Lungthin Thiang cungah fakpi in na dawtnak kha rak zoh law, ka hal mi vel laksawng vialte kha Bawipa Pathian sinin run ka halpiak hram ko,tiah upat toidornak he kan nawl ko. Amen.

NGANDAMNAK BAWINU LITANI

• Sualhram ngei loin a thiang mi Ngandamnak Bawinu, 

• Thla kan campiak ko tuah. 

• Vawlei hranthawk in Pathian nih a thim mi,…… 

• Profet hna nih an hngalhtheih mi, 

• Adam le Eve can ah thim mi a dawh dum thiang,…. 

• Misual hna caah a sem mi,.;… 

• A ceu mi Arfi,……….. 

• Ṭhatnak a pe thiam mi,…….. 

• Mithiang mi hna nih an hngalhtheih mi,……. 

• Sualhram loin a sem mi,……… 

• Mithalo pa, khuachia lu a lamtu,…… 

• Siangpahrang hleili hrinsor a si mi,…….. 

• A thiang mi Joachim le Anna chungkhar in a sem mi,….. 

• A tar cia nu le pa in hrin mi,….. 

• Nu le Pa thlacamnak thawngin a sem mi,…….. 

• Lamkaltu le mithiang mi hna nakin a sung deuh mi…… 

• Sermi thil vialte nakin a sung deuh mi,……. 

• A sangbik le a niambik karlak ah hrim mi,……. 

• A hmet lio tein biakinn thiang ah pekchanh mi ,……. 

• Bawipa Pathian lung a tong mi,……… 

• Siannak le peknak a tlaihchan mi,…….. 

• Sunparnak he a chuak i vancung innka a hungtu,……. 

• Hrin a sinak in Vancung mithiang mi hna a lawmhtertu,…… 

• Min thlumbik mi a ngeitu,…… 

• Kum thum a ti ah nu le pa nih pekchanh mi,…… 

• Ngakchia tein biakinn ah toidornak tling he a um a thu mi,……. 

• Biakinn ah midang kha lamtha a hmuhsaktu,……. 

• Ngandamnak kha a bik in a petu,…….. 

• An bochan mi hna kha a thlaaulotu,…….. 

• Mithiang mi hna lakah Vancung siangpahrangnu luchin chinh mi,………

•  

       THLACAM USIH.

    Maw Bawipa Pathian, pum le lungthin kha damnak run pe ko law, a zungzal Ngaknu Thiang Maru thlacam piaknak thawngin hi vawlei kan nun chungah sifah fahnak in kan luatter law, kan thih tikah zungzal nunnak kha kan co khawhnak hnga kan Bawipa Jesuh mithmai zoh in run kan zangfah ko tiah kanin nawl! Amen.