71

Tar thlacamnak

71 1 Bawipa, nangmah toi ah kaa dor, ningzahnak ka phakter hlah. 2 Na khamh-dinnak in

ka chanh law ka chuah tuah; ka thlacamnak ngai law ka khamh tuah.

3 Zungzal ka panh khawh mi kaa dornak lungpi si hram ko, keimah khamh ding in na lung

naa thlek cang, zeicahtiah nang cu ka lungpi le ka ralhruang na si. 4 Ka Pathian, mi`halo

hna, mipuarhrang hna kut in ka chanh ko.

5 Zeicahtiah, Bawipa, nang cu ka ruahchannak na si, ka no lio tein kan bochan cang. 6 Ka

chuahka in nangmah kan hngatchan, zeicahtiah ka nupaw chung in ka covo le zungzal in ka

thang`hatnak hla na rak si cang.

7 Mi tampi nih khuaruahhar in an ka zoh, sihmanhsehlaw nang cu a fek mi kaa dornak na si.

8 Ka hmurka na thang`hatnak in a khat, chun nitlak na sunparnak in a khat.

9 Ka tar tik ah ka hlaw hlah, ka tha a `um tik ah ka kaltak hlah. 10 Zeicahtiah ka ral nih ka

kong an ceih, ka nunnak lak ding hmunkhat ah khua an khang.

11 ‘Amah cu dawi u, Pathian nih a kaltak cang, tlai u, chanhtu aho hmanh a ngei lo,’ an ti. 12

Pathian, zei hngal lo bang um hlah, ka Pathian, keimah bawmh awk ah rianrang in ra ko

cang.

13 Thang a ka chiattu hna cung ah ningzahnak le rawhralnak tlung ko seh, keimah kha

fahnak pek ding aa zuam mi hna cu serhsatnak le thangchiatnak nih phum hna seh.

14 Kei ka ca ah kaa ruahchannak cu a ziam lai lo; kan thang`hat chinchin lai. 15 Ka hmurka nih

na khamh-dinnak le na khamh-`hawnnak, cu chunnitlak in a thanh lai.

16 Kei cu nangmah le nangmah dinnak lawng chim ding in Bawipa `hawnnak he ka ra lai.

17 Pathian, ka no lio in na rak ka cawnpiak cang i na khuaruahharnak cu ka thanh rih ko hna.

61

18 Atu cu ka tar i ka sam a par cang, na `hawnnak cu a ra lai mi chan tiang le 19 na `hawnnak

le na dinnak cu van hna tiang ka thanh hlan lo, ka kaltak hin hlah.

Thil lianngan na tuah cang hna, Pathian, nangmah bantuk aho dah a um? 20 Ngaihchiatnak

le harsatnak tampi na ka tonter cang, sihmanhsehlaw nunnak na ka pek `han rih ko lai.

Vawlei khor chung in na ka thawhter `han, 21 ka kumkhua na sauter i hnemhnak na ka pek

lai.

22 Kei ka ca ah cun, ka Pathian, zumhtlak na sinak caah thanglawi tum in kan thang`hat lai.

Thanglawi tum in upatnak kan pek lai, Maw a thiang mi Israel Bawipa.

23 Na ka tlanh cang caah nangmah ca ah thanglawi tum in ka lei nih lawmnak hla a sa lai,

chunnitlak ka lei cu na khamh-dinnak ah aa lawm lai. Fahnak pek a ka timh mi hna cung ah

ningzahnak le mualphonak tlung ko seh.