SALM 4:1-8

Zanlei thlacamnak

4. 1 Ka covo, a dirkamhtu Pathian, kan auh tik ah ka let tuah, ka ngaih a chia tik ah hnemhnak na ka pek; ka zaangfah law ka thlacamnak cu ka let tuah!

2 Minung fale hna, zeitik tiang dah lungrethei in nan um lai, zeiruangah dah pakpalawng thil cu nan duh i hlennak hnu cu nan zul? 3 Bawipa nih amah a zumtu hna ca ah khuaruahharnak a tuah ti cu hngal u, a sin ah ka au tik ah Bawipa nih a ka leh. 4 Sual lo ding i ralring u, nan lung chung in bia chim ulaw nan chantling cung ah cun dai tein um u. 5 Thawinak cu felfai tein pechan ulaw Bawipa cu i bochan u. 6 Mi tampi nih, ‘Aho nih dah lawmhnak a kan pek lai?’ an ti. Na hmai ceunak tu kan cung ah tlaang hram ko seh. 7 Bawipa, nangmah nih ka lungthin cu rawl le mitsur thar tampi a ngei mi hna an i lawmhnak nakin a ngan deuh mi lawmhnak na pek. 8 Hnangam tein ka zau lai i kaa hngilh lai, zeicahtiah Bawipa, himnak a ka petu, cu midang si lo in nangmah na si.