SUALTHLAHNAK SACRAMENTAL

1. Sualnak hlawt awkah tuah awk thil ( 5 )

(1) Sualnak tuah mi ruahnak

(2) Sualnak cungah i ngaihchihnak

(3) Sualnak tuah ti lo awkah bia i kamnak

(4) Tlangbawi sinah sualphuannak

(5) Sualnak caah dantat innak

2. Tha tein sualphuan awkah a herh mi ziaza (3)

(1) Sualnak kha toidornak he ningzah buin phuan awk a si.

(2) Lihchim lo le phehthuh loin, hmaan tein chim awk a si.

(3) Sualnak ngan vialte kha zeizat, zeiphun, zei-bantuk tuahnak tiah tling tein phuan awk a si.

3. Sualphuan Ningcang (8)

(1) Tlangbawi hmai ah khukbil in, “Keimah misual hi thluachuah ka pe ko, ka Pa,” tiah ti hmasa awk a si.

(2) Sual ka thlah lonak cu zei can a si cang ti kha chim ding a si.

(3) Ka sualnak cu hi bangin a si ti in sualnak kha chim thluahmah ding a si.

(4) A donghnak ah hi bangin chim awk a si: Atu ka phuan mi le ka philh mi sualnak vialte caah kaa ngaichih cang i sualthlahnak ka pe ko, ka Pa.

(5) Sualphuan dih in tlangbawipa chimhhrin mi bia kha `ha tein ngaih awk a si.

(6) Tlangbawipa sinin chuah hlanah sualngaihchih thlacamnak kha cam awk a si.

(7) Tlangbawipa nih vailamtah hmelchunhnak a tuah tikah vailam tah hmelchunhnak kha i tuah ve in, a dongh tik ah “Amen” chim ding a si.

(8) Cun thutnak lei kir tikah tlangbawipa nih a pek mi sual dantat thlacamnak hna kha cam awk a si.