SALM 8:1-9

Pathian min `hawnnak

8. 1 Bawipa kan Pathian, vawleicung pumpaluk ah na min cu zei tluk in dah a lianngan! Na lianhngannak hla kha van hna nak sang in a sa mi, ngakchia hna le bawhte hna hmurka tiang in, a sa mi cu, 2 na ral le tapung hna teinak ca ah na ral hna teitu ding ralhruang ah na ser hna. 3 Na kut nih a rak ser mi van hna, fek tein na chiah mi thlapa le arfi hna khi ka zoh hna - 4 minung hi zei dah a si i na hnakkar ah na tenh, Adam fa cu zei dah a si i na zohkhenh? 5 Asinain amah cu pathian nak tlawmpal hme deuh men in na rak ser, sunparnak le dawhnak luchin kha na chinh, 6 na kut nih a ser mi vialte hna bawi ah na ser, zeizongte cu a tang ah na chiah, 7 tuu le caw hna, ram sahrang hna tiang, 8 van i vate hna le rilipi chung i a tlongleng mi rili nga vialte hna tiang i bawi ah na ser. 9 Pathian, kan Bawipa, vawleicung pumpaluk ah hin na min cu zei tluk in dah a lianhngan!