SALM 61:1-8

Ralzaam hna thlacamnak

61. 1 Pathian, ka `ahnak hi thei law ka thlacamnak cu ngai ko. 2 Ka lung tha a der tik ah vawlei deng in kan auh. Ka banh khawh lo mi lungpang sang ah ka hruai tuah. 3 Zeicahtiah nangmah cu kaa dornak, ka ral hna hmaika i ka ralhruang na si. 4 Na thlam ahcun zungzal um ko ning, na thladem tang ah i dor ko ning. 5 Zeicahtiah Pathian, nangmah nih ka biakamnak cu na cohlan, na min a `ih mi hna ro cu na ka pek. 6 Siangpahrang cu nung camcin ko seh, a chan sau ko seh. 7 A bawi`hutdan cu zungzal in Pathian hmai ah um ko seh, a fek le a hmun mi na dawtnak nih kilveng hram ko seh. 8 Cun na min cu zungzal hla in ka sak lai, ka biakamnak cu nikhat hnu nikhat ka tlinter lai.