SALM 4:1-13

A ingtuar mi i thlacamnak

41. 1 Misifak le ṭialo a zohkhenh mi poh cu thluachuak mi an si; an lungretheih caan ah Bawipa nih a bawmh hna lai. 2 Amah cu Bawipa nih a huhphenh, vawlei ah nunnak le lawmhnak a pek. A ral hna diriam ding in a hlaw lo! 3 Bawipa nih a ihnak a ihkhun cung ah a zohkhenh; a ihnak itkhun cu damnak ihkhun ah na thlenpiak. 

4 Keimah tu cu, ‘Bawipa, ka zaangfah ko! na cung ka sual cang i ka damter ko,’ ka ti. 5 Ka ral hna nih ka ngaihchiatnak ding kong lawng an ka chimh, ‘Zeitik ah a thih lai i a min cu a loh lai?’ an ti. 6 An rak ka veh tik ah pakpalawng bia lawng an chim, an chuah tik ah ka thawng cu zawmhtaih phun in an thanh. 7 A ka hua mi vialte nih hmunkhat in ka kong an phai, annih nih a tuar mi fahnak hi a co ding hrimhrim a si,’an ti. 8  Ṭihnung zawtnak nih a tlunh cang, atu cu a thi ko lai, a tho bal ti lai lo,’ an ti. 9 Ka hngatchan mi ka zumh bik mi, ka rawl a ka hrawmh mi, hmanh nih ka cung ah van`hat aa la.

10 Sihmanhsehlaw Bawipa, nang nih cun na ka zaangfah! Ka thawhter `han law lehrul ka cham hna lai. 11 Ka ral nih ka cung an lung a awilonak nih ka cung na lung a tlinnak cu a langhter. 12 Cu tik ah keimah cu ka him lai i na hmaika ah zungzal na ka umter lai.13 Bawipa, Israel Pathian, cung ah thluachuah vanluhnak um ko seh, zungzal in zungzal tiang. Amen, Amen.