SALM 28:1-9

Nawlnak le lawmhnak

28. 1 Bawipa, na sin ah ka au, ka lungpi, na hna i phit hrimhrim hlah! Na dai ko ahcun kei cu mithi khua ah a `um mi hna bantuk ka si ve ko lai. 2 Bawipa, nangmah sin ah ka au tik le na Hmun Thiang bik lei ah ka kut ka thlir tik ah ka thlacamnak aw cu thei ko. 3 Mi`halo hna le `hatlonak-tuahtu hna, rawinak lungthin he an hawile hna sin daihnak bia a chim mi hna, he hnuk in ka chuah hin hlah. 4 Annih kha an tuahsernak he aa tlak ning in cham ko hna, rawiphiar an cawlcanghnak he aa tlak ning in lehrul ko hna. An kut rian`uannak he aa tlak ning in cham ko hna, an `hatlonak cu anmah cung lila ah tla ko seh. 5 Annih cu Bawipa tuahsernak, a kut in a tuah mi thil kha an hngal kho lo. Annih kha phur hna seh law sa`han bal ti hna hlah seh! 6 Ka thlacamnak aw a theih caah Bawipa cu thang`hat si ko seh! 7 Bawipa cu ka `hawnnak le ka phaw a si; a ka umpi caah ka hna a ngam. A rak ka bawmh; ka tha a um `han cang, ka lungthin dihlak in amah cu ka lawmh. 8 Bawipa cu a mi hna `hawnnak, chiti thiang a thuh mi ca ah a him mi i dornak a si. 9 Na mi cu khamh ko hna, na roco cu thluachuah pe ko hna; annih kha khal hna law zungzal in hruai ko hna.