SALM 70:1-5

A ngaihchia mi `ahnak

70 1 Pathian, zaangfahnak in ka chanh ko, Bawipa, khulrang in ra law ka bawm ko! 2 Thah a ka duh mi hna cung ah ningzahnak le buainak tlung ko seh! An cung lila ah tlung ko seh! Ka vanchiatnak ah a lung a lawm mi hna cu hmaichiatnak tong hna seh. 3 Keimah kha diriam in, ‘Ha, ha!’ a ka ti mi hna cu ningzahnak puanlu khuh in hnu i tawn hna seh. 4 Sihmanhsehlaw nangmah an kawl mi hna cung ah lawmhnak le nuamhnak um ko seh. Na khamh-`hawnnak a daw mi hna cu ngol lo in, ‘Pathian cu a lianngan,’ ti au hna seh. 5 Kei cu misifak le santlailo te ka si cu na ka hmu ko, Pathian, khulrang in ka sin ah ra ko. Bawipa, a ka bawmtu le a ka khamhtu, tlai sawh hlah.