SALM 29:1-11

Thlichia Bawipa sin hla thiang

29. 1 Pathian fapale hna, Bawipa cu aa tlak mi thang`hatnak kha pe u, Bawipa cu a sunparnak le a `hawnnak he aa tlak mi cu pe tuah u; 2 a min he aa tlak mi sunparnak cu pe u, Bawipa cu a thian sunpar ceunak chung ah khan bia u. 3 Bawipa aw cu ti hna cung ah a thang, sunpar Pathian cu rel cawklo ti hna cung ah khan khuari bang a thang, 4 Bawipa aw cu a lianngan, Bawipa aw cu sunparnak in a khat. 5 Bawipa aw nih sidar kung cu a cheu dih hna; Bawipa nih Lebanon sidar kung cu a khuai dih hna. 6 Lebanon cu caw fate bang, Sirion cu ramlak cawtum no bang an per.7 Bawipa aw nih nimtlau zik cu a kuaih, 8 Bawipa aw nih thetse ram cu a hninh, Bawipa aw nih Kadesh thetse ram cu a hninh; 9 Bawipa aw nih kuhthing kha a hnin i tupi thingkung cu a den dih hna. A innpi ah cun mikip nih,’Sunparnak’ tiin an au. 10 Bawipa cu tilet cung ah a bawi; Bawipa cu zungzal in a bawi. 11 Bawipa nih a mi cu `hawnnak a pek hna lai. Bawipa nih a mi cu daihnak he thlua a chuah hna.