SALM 46:1-11

Pathian cu kanmah he a um

46. 1 Pathian cu kan i dornak le kan `hawnnak; har caan ah ttimhcia zungzal in a um mi bawmtu a si; 2 cucaah vawlei aa hnin zong ah, tlang hna cu rili thukpi chung an tla dih zong ah, 3 cun, ti hna cu hrum in an buanbara a tawh zong ah, tlang hna cu van hna bang an i hnin deldul zong ah, kan `ih lai lo. (Ralkapbu Bawipa, Jacob Pathian, kan ralhruang khualipi cu kanmah he a um).

4 Pathian khualipi lawmhnak a pe mi tivapi pakhat a um, Cungnung Bik umnak kha a thianh. 5 Pathian cu a khualipi ah a um, a tlu kho lo; zing khua a ceu in cun Pathian cu amah chanh awk ah a ra. 6 Miphun hna cu an buai ko hna,, pennak hna cu an pur hna, a aw a thlah tik ah vawleipi cu a cim i a maan dih. 7 (Ralkapbu Bawipa, Jacob Pathian, kan ralhruang khualipi cu kanmah he a um). 8 Ra ulaw Bawipa khuaruahharnak hna, vawleicung i a tuah mi khuaruahharnak hna, cu ruat tuah u; 9 vawlei pumpaluk ah ral a daihter, likuk cu a khiah, fei cu a chuh hna, phaw cu mei in a khangh hna. 10 ‘Dai tein um ulaw kei cu miphun vialte cung Cungnung Bik, leicung vialte Cungnung Bik, Pathian, ka si kha hngal tuah u. 11 (Ralkapbu Bawipa, Jacob Pathian, kan ralhruang khualipi cu kanmah he a um).