SALM 55:1-23

Thangchiat ton caan thlacamnak

55 1 Pathian, ka thlacamnak cu ka ngaihpiak law kan nawlnak cu na sin ah phan seh; 2 ka ngaihpiak law ka let ko, zeicahtiah ka lungre a thei i hnangamnak ka hmu lo. 3 Ka ral hna au thawng le mi`halo hna aukhuan thawng in ka thi deng cang; sual a phunphun an ka puh i an thinhun in ralser sual an ka phawt. 4 Ka lung a dong i thihnak `ihnung nih a ka tlunh cang, 5 `ihnak le phannak nih a ka zel, ka `hom dih cang. 6 Cun keimah nih, ‘~huro bang zuang i dinhnak kawl awk ah aho nih dah thla a ka pek lai?’ 7 Zei tluk hlat ah dah ka zuan lai i thetse ram ahcun bu ka va ser lai!

8 Bawipa, tlawmpal ah cun hi serhsatnak thlichia, 9 hi `ihnung thlichia le an hmurka tilian in dornak ka hmu cang lai,’ tiah ka ti. Zeicahtiah khualipi chung ah hin zaang-ennak le buaibainak ka hmuh, 10 chunchun zanzan in khualipi vanpang cu an hel hna. A chung ah mi`halo hna le mihrokhrol hna an um, rawhralnak cu a chung ah khua a sa, 11 a khualipi bualrawn ah duhlalnak le rawiphiarnak a `hing bal lo. 12 A ka sersat mi hi ka ral rak si sehlaw ka tuar khawh ko hnga; a cil a rak ka chak mi hi ka ral rak si sehlaw ka mertak manh ko hnga.13 Sihmanhsehlaw, atu cu ka rian`uan hawi, ka raltuk hawi le ka kawi dawt, 14 Pathian innpi chung i ka tlonlen hawi, nangmah, na si. 15 Ningcang lo in kir hna sehlaw thihnak nih tlunh hna seh. Mithi khua ah an nung in `um hna seh, zeitintiah `hatlonak he khua an rak sa.16 Keimah tu cu Pathian sin ah nawlnak ka tuah i Bawipa nih a ka khamh; 17 zanlei, zingka le chun ti in a sin ah mitthli he ka au. 18 Ka `ahnak a theih, ka ral hna kut in a ka tlanh i hnangamnak a ka pek, zeicahtiah annih nih taza an ka cuai. 19 Pathian nih a ngai i a thlak hna lai, zeicahtiah amah cu a hramthawk in bawi `hutdan ah a rak `hu mi a si; Pathian `ihnak an ngei lo caah an lung an i thleng bal lai lo.

20 Anmah he remnak a ser mi hna kha an doh hna, an biakam cu an let; 21 an lei cu thawhpat nakin a nal deuh nain an lung cu huatnak in a khat; an bia cu chiti bantuk an bia cu vainam har bantuk a si. 22 Na thilrit cu Bawipa ah chan law amah nih an bawmh lai; miding an tluk cu zeitik hmanh ah a sianh lai lo. 23 Nang, Pathian, nih cun thisen a haw mi le hlenhmang hna kha an chan`im hlan ah rawhnak khorthuk chung ah na thlak hna lai. Kei tu cu nangmah hi kan bochan ko.