SALM 54:1-7

A ding mi biaceihtu Pathian sin nawlnak

54 1 Pathian, na min thawng in ka khamh tuah, na `hawnnak in ka dinnak cu langhter ko hna. 2 Pathian, ka thlacamnak ka theihpiak law ka chim mi bia cu ngai hna. 3 Mipuarhrang hna nih an ka tuk, an ka namnehnak nih a ka thah deng cang, an ruahnak ah Pathian a um lo. 4 Sihmanhsehlaw, atu, Pathian cu keimah bawmh awk ah a ra lio, Bawipa cu a ka dawmhtlaitu hna lak ah a um ve ko. 5 Hruang a ka at mi hna lu cung lila ah an `hatlonak cu tlung ko seh. Bawipa, zumhtlak na sinak thawng in annih cu hrawk ko hna. 6 Zei tluk nuam in dah thawinak cu kan pekchanh lai i na min cu, a `hat caah, ka thang`hat lai; 7 zeicahtiah anih nih ka retheihnak vialte in a ka chanh cang i ka ral cu diriam in ka zoh cang hna.