SALM 37:1-40

Miding le mi`halo hna nunnak

37. 1 Mi`halo hna kong ah na bia tam hlah law a palh mi hna cu nahchuah hna hlah u. 2 Annih cu ram bang an uai zau lai i lo chung belh bang an ziam lai. 3 Bawipa kha i bochan law thildik kha tuah, a ram ah na inn sa law him tein um. 4 Bawipa cu naa lawmhnak ah ser law na saduhthah a tlinter lai. 5 Na nunnak cu Bawipa kut ah chan; amah kha zum law nangmah can ah a cawl lai, 6 na dinfelnak cu chun niceu bang le na dinnak cu chunlai niceu bang a ceuter lai. 7 Bawipa hmai ah dai tein um, amah cu ngaihhlang ngai in hngak; chawva a khong mi, a dik lo mi lam in hlawhtlinak a hmu mi kong ah na bia tam hlah. 8 Na thin i sum, na thin `humh, na thin lin hlah seh ―`hatnak zei hmanh a chuahpi kho lo; 9 zeicahtiah `hatlonak-tuahtu hna cu hloh an si te lai, cu lio ah Bawipa aa bochan mi hna nih khi ram cu an co lai.

10 Tlawmpal ah cun mi`halo cu a um ti lai lo; zei tluk `ha in nan kawl zong ah amah cu khi ram ah nan hmu ti lai lo, 11 sihmanhsehlaw misifak nih, a hmun mi daihnak hmuh awk ah, khi ram cu an co te lai. 12 Mi`halo nih miding ca ah khuakhannak `halo a tuah i a hacang a rialhnawh, 13 sihmanhsehlaw Bawipa nih cun a donghnak ding kha a hmuh dih cang caah aa zuamnak cu a nihsawh men ko. 14 Mi`halo nih milungthiang cu thahnawn awk le misifak le santlailo cu thlak awk ah a vainam aa zuh i a likuk hri kha a vung zam nain 15 a vainam nih amah lung lila kha a sawh lai i a likuk cu a kiak lai.16 Miding nih a ngeih mi thil tlawmpal te cu mi`halo nih a ngeih mi chawva vialte nakin khing a um deuh, 17 zeicahtiah mi`halo hriam cu a rawk te lai, cu lio ah, Bawipa nih miding cu a chanh lai. 18 Miding hna nunnak cu Bawipa zohkhenhnak tang ah an um; an covo ro cu zungzal in a hmun lai; 19 caanchia a phanh tik ah an hmai a chia lai lo i mang`am caan zong ah tampi an ngei lai. 20 Mi`halo, Bawipa ral, hna cu hrawh dih an si lai; ramlak thinghnah hring bang an lo dih te lai, meikhu ah an cang dih te lai.

21 Mi`halo cu thil a cawi lai nain a cham lai lo, sihmanhsehlaw miding cu siang ngai in a pek; 22 thluachuah a pek mi hna nih khi ram cu an co lai, cun chiat a serh mi hna cu an lotlau dih te lai. 23 Bawipa nih mi`hawngpa karhlan cu a ven i a fehter; cun amah ah aa lawm. 24 Aa chuihpah hmanh ah a bawk taktak lai lo, zeicahtiah Bawipa nih amah cu a domhtlaih. 25 Atu cu ka tar cang, sihmanhsehlaw ka no lio tein miding hnon a tong le miding tefa rawlhal in an vak ka hmu bal rih lo. 26 Miding cu zungzal in zawnruahnak a ngei i a coih zungzal hna, cucaah a tefa hna nih a theipar an zun. 27 ~hatlonak cu na hnu chit law `hatnak tuah, umnak inn na ngei zungzal lai, 28 zeicahtiah Bawipa cu dinnak kha a duh i amah a zum mi cu a hlaw bal hna lai lo. ~hatlonak-tuahtu hna cu zungzal in an rawk te lai, mi`halo tefa hna cu hloh dih an si te lai, 29 sihmanhsehlaw miding nih khi ram cu an co lai i khika ah zungzal in an um lai.

30 Fimnak cu miding hmurka in a chuak, a lei nih a hmaan mi a chim; 31 a Pathian phunglam cu a lung ah a cam, a tlu bal lai lo. 32 Mi`halo nih miding cu `ha tein a ngiat, amah thahnak ding caan`ha a hngak; 33 Bawipa nih amah cu mi`halo hna kut ah a chan bal lai lo, cun amah kha bia an ceih zong ah dantatnak a inter bal lai lo. 34 Naa ruahchannak cu Bawipa ah chia law a lam cu zul, khi ram cu na ram a si nakhnga an thawh lai; mi`halo hna hloh an si tik ah na cuanh te hna lai. 35 Mi`halo hna Lebanon sidar kung bang an i cawisan cu ka hmuh. 36 Ka pal `han tik ah ka hmu ti lo. Amah cu ka kawl tik ah khuaizei hmanh ah hmuh khawh a si ti lo. 37 Miding kha zoh law milungthiang kong kha ruat tuah, zeicahtiah daihnak a duh mi pa cu fa lo in a um bal lo. 38 Sihmanhsehlaw mi`halo vialte cu hmunkhat in hrawh dih an si lai i an fale hna zong hloh dih an si te lai. 39 Miding hna nih Bawipa cu an khamhtu ca ah an i ngeih, amah cu an lungretheih caan an i dornak a si. 40 Bawipa nih a bawmh hna i a chanh hna; mi`halo hna kut in a chanh hna lai, cun a toi an i dor caah a khamh hna lai.