SALM12:1-8

Rawiphiar hmang vawleimi ralchanh in

12. 1 Bawipa, ka bawm ko! Zum tlak aho hmanh an tang ti lo, Adam fale hna sin in zumhtlak sinak cu an lo dih cang. 2 A hawi nih a hawi kha lihbia a chimh, lungthin thurnak he, nal ngai in a chim. 3 Bawipa nih hmurka nal le ruamkai lei kip, 4 ‘kan hmurka hi kan thazaang, kan lei hi kan hawi; aho nih dah an kan uk khawh lai’ a ti mi poh, cu tan in sam dih ko hna seh.5 Bawipa nih atu cu chuhramh a tong mi misifak hna le a hram mi miharsa hna ca ah ka cawl cang lai, himnak hmuh a duh mi hna cu khamhnak ka pek hna lai.’tiah a ti.6 Bawipa biakamnak cu a thiang mi biakamnak an si, voi sarih thianhmi vawlei chuak ngun thiang hna an si.7 Bawipa, nang nih annih cu na zohkhenh hna, rulchiava hna kut in zungzal na huhphenh hna lai. 8 Adam fale hna lak ah a karhzai mi zeihmanhlonak chuntlungbo bang mi`halo hna cu an kenkip ah an i `hen`hek dih te lai.