SALM 26:1-12

Miding thlacamnak

26. 1 Bawipa, ka ca ah biaceihtu si hram ko sawh! Lungthin thiang tein khua ka sa rih ko i Bawipa kaa bochannak cu a uai bal lo. 2 Bawipa, ka purhdah law `ha tein ka zoh tuah, Ka thinlung cu mei in hneksak tuah. 3 Zeicahtiah a fek mi na dawtnak cu ka hmai ah a um zungzal ko, cun na biatak in khua ka sa. 4 Mithathu hna he ka `hu bal lo i midepde hna cu ka kawm bal hna lo. 5 Misual hna phu cu ka huat hna i mi`halo hna he `hut`i cu ka duh lo. 6 Ka kut cu lungthin thiannak he kaa `awl lai, Bawipa, na biak`heng hel in aa tlar tein a vak mi mibu ah kaa tel ve lai; 7 cucu lawmhnak au thawng kha theihter awk le na khuaruahharnak vialte thanh awk ah a si. 8 Bawipa, na inn le na sunparnak a umnak hmun i aa dawhnak cu ka tlaihchan ko. 9 Ka nunnak cu misual hna sin ah thlah sawh hlah law mizaang-en hna he cawh sawh hlah,10 annih cu an kut ah sualnak aa neh i an orhlei kut cu ziknawh thil he a rit. 11 Lungthiang tein ka lamte cu ka zul ko lai; ka zaangfah law ka tlanh ko tuah. 12 A hmaan mi lam cung ah ka dir; Bawipa, mipi pumhnak pi hna ah nangmah cu kan thang`hat lai.