SALM 10:1-18

Pathian nih mi`halo kha a tuk i mitoidor kha a khamh

10. 1 Bawipa, zeicah dah lamhlapi ah na um, har caan ah naa thup? 2 Mi`halo nih ruamkai in minauta cu a dawi, a chiah mi a rap lila in amah cu a awh. 3 Mi`halo cu a saduhthah ah aa porhlaw, mihakkau nih biachia a chimnak in Bawipa cu a hlawt, 4 mi`halo cu a ruam a kai i lamhla a zoh lo; ‘Khua a ruat khawh mi cu, ‘Pathian a um lo,’ ti hi a si.

5 Zei bantuk caan hmanh ah him tein a um, na biaceihnak cu cung sangpi ah a um. A zuamcawhtu vialte cu capo in a saih dih men ko hna. 6 A lung chung in, ‘Kaa hnin bal lai lo,’ a ti i amah zong, lungre theinak vialte khan luat in midang zong kha cutin a duhpi ve hna. 7 A biachim cu lih le namnehnak lawng a si, a hmurka in thangchiatnak le `hatlonak a chuak.8 Khor chung in mi kha a bawh hna i aa thuhnak-hmun ah miding cu a thah hna. Nuncanfak cu a mitsen in a zoh hna, 9 chiandeih bang a kua in a rak chuak, misifak hna zuanhnawh awk ah a rak chuak; a dawi hna i a rap in a foih hna. 10 A ngiatthlai, vawlei ah bawk in a kal, misifak kha a tlaih hna; 11 a lung chung in, ‘Pathian nih a philh, a dih dongh tiang a hmuh nakhnga lo hmundang ah aa mer,’ a ti.

12 Bawipa, tho tuah! Pathian, na kut cu hler cang, a ngaih chia mi hna cu philh hna hlah! 13 Pathian nih cun a dongh tiang a zul bal lai lo tiin zeiruangah dah mi`halo nih Pathian cu zei rel lo in a um lai? ‘14 Nangmah hrimhrim nih kan harnak le kan lungre theihnak cu na hmuh cang, anmah kha na ngiathlai hna cu teirul cham awk ah a si. Hrem mi hna nih nangmah kha an in bochan; nangmah lawng hi ngak`ah hna hnemtu cu na si.15 Mi`halo le michia hna kut cu khiak hna, pakhat hmanh a taan lo tiang `hatlonak cu kawl hna. 16 Bawipa cu zungzal in siangpahrang a si, lawkihmi hna cu a ramchung in an lo dih cang.17 Bawipa, misifak hna `ah-aihramnak cu na ngaih, hnemhnak na pek hna i an bia na ngaihpiak hna, 18 cucu vawlei minung hna nih `hihphaihnak an chuahter ti nakhnga lo, ngaktah le tialo kha bia na ceihpiak hna.