SALM 25:1-22

Harnak ton caan thlacamnak

25. 1 Bawipa ka Pathian, nang cu kan biak. 2 Kan bochannak cu ningzahnak ah canter hlah; ka ral cu ka cung ah an diriam hna hlah seh. 3 Nangmah an au mi aho hmanh an mual a pho bal lo, ningzahnak cu zei huaha lo caah an zumhnak a thlah mi hna ca ah a si. 4 Bawipa, na lam cu ka hmuhsak law na phunglam cu ka cawnpiak tuah. 5 Na biatak chung tlawnlen ding ka forhfial law ka cawnpiak tuah, zeitintiah nangmah cu a ka khamhtu Pathian na si. Zeicahtiah ka ruahchannak cu chun nitlak nangmah cung ah a um ―Bawipa, cu bantuk cu na veelngeihnak a si. 6 ~hatnak le a fek mi na dawtnak cu zungzal in nangmah ta an si, Bawipa, annih cu philh hna hlah. 7 Ka no lio ka sualnak hna cu ka rellpiak hna hlah, na dawtnak cu a hmun bang in ka philh hin hlah. 8 Dinnak le siannak cu Bawipa hmelchunhnak hna an si, zeicahtiah misual kha lam ding ah a hruai `han hna. 9 Phunglam ning in mitoidor kha a hruai hna, misifak kha a lam cu a cawnpiak hna. 10 A biakamnak le a biachuah a zul mi vialte ca ah Bawipa lam cu dong hngallo `hatnak le zumhtlak sinak nih chinchiahnak a tuahpiak hna.11 Ka sualnak hna cu an ngan ko nain, Bawipa, na min thannak ca ah ka ngaithiam ko. 12 Bawipa a `ih mi hna cu zei dah an si? Annih kha an thim ding mi lam cu a chimh hna lai. 13 Lawmhnak kha i innpa in khua an sa lai i an fale nih ram kha ro in an co lai. 14 Bawipa a `ih mi hna lawng nih, an lung tlian ca ah, a biathli le a biakamnak cu an co lai. 15 Ka ke cu rap kha a hrialter hna lai caah Bawipa cu mit`hep lo in ka zoh.16 Khulrang in ka sin ah i mer law ka zaangfah tuah; keimah lawng, ngaihchia ka um ko.17 Ka hna ka ngamter law, ka chungvanghnak in ka chuah tuah. 18 Ka ngaihchiat ka nganfahnak hi run zoh law ka sualnak vialte cu kalpi dih ko hna.19 Ka ral cu zei tluk in an tam, an ka huatnak cu zei tluk in `ih a nung ti cu philh hlah. 20 Na ka ven i na ka chanh dah ti lo cu mual an ka phoh cang lai, zeicahtiah nang cu kaa dornak na si. 21 Pasal`ha sinak le patling sinak cu ka himnak si hram hna seh, zeicahtiah Bawipa, ka ruahchannak cu nangmah cung ah a um. 22 Maw Pathian, Israelmi cu kan harsatnak vialte chung in kan tlanh ko.