72

Kamh mi siangpahrang

72 1 Pathian, siangpahrang cu nangmah i a dik mi biaceihnak le siangpahrang fapa cu na

khamh-dinnak he thuamh ko hna, 2 cuticun na mi cu dinnak le misifak hna cu a dik mi

biaceihnak he a uk hna lai.

3 Fing le tlang hna, daihnak kan phorh u! 4 Dinnak he misifak cu bia a ceih hna lai, santlailo

fale cu a khamh hna lai i anmah a hrem hna tu cu a rial dih hna lai.

5 Nika le thlapa hmaika ah chankhat hnu chankhat a hmun lai. 6 Ramhring no cung a tla mi

ruahti le vawlei a nemter mi `hal ruah bang a rung `um lai.

7 A chan ah dinfelnak a leng lai, thlapa a tlaan chung poh daihnak a um lai. 8 A pennak cu rili

khatlei ral in a dang khatlei ral tiang, tiva in vawlei deng tiang, a phan lai.

9 Sahrangpi cu a hmai ah a kun lai, a ral cu leidip kha an liak lai; 10 Tarshish le tikulh ram

siangpahrang hna nih ngunkhuai an pek lai.

Sheba le Saba siangpahrang hna nih laksawng an pek lai; 11 siangpahrang vialte nih

upatnak an pek lai i miphun vialte cu a sal ah an cang te lai.

12 Zeicahtiah amah sin ah a au mi miharsa poh le bawmtu ngei lo misifak poh kha a chanh

hna. 13 Santlailo le miharsa cu a zaangfah hna, cun miharsa cu thihnak in a khamh hna.

62

14 Hremnak le zaang-ennak in a tlanh hna, zeicahtiah an nunnak cu a ca cah a sunglawi. (A

chan sau hram seh; Sheba sui cu co hram seh) 15 A ca ah thlacamnak cu ngol lo in pekchanh

a si lai i chun nitlak in thluachuah halpiak a si lai.

16 Kan ram ah changvut tampi vui hram seh, fingtlang hna ah i hnin luaimai hna seh, a

theitlai le a pangpar hna he aa dawh mi Lebanon le vawlei ramhring bang si hram seh.

17 A min cu zungzal in conglawmh siseh law nika hmai ah hmun hram seh. A min in

vawleicung miphun kip cu thluachuah pek siseh, cun miphun vialte nih amah cu

mithluachuak ti hna seh.

18 Israel Pathian Bawipa cung ah thluachuah vanluhnak um ko seh, amah lawng nih

khuaruahharnak a tuah hna; a min sunglawi cu zungzal in thang`hat si ko seh. 19 Leicung

pumpaluk cu a sunparnak in khat seh!

Amen! Amen!

20 Jesse fapa, David thlacam a donghnak.