THIANGTHLARAU THA PENAK

T. Nan sinah Bawipa um ko seh.

K. Nangmah sin zongah um ko seh.

Hramthawh Thlacamnak

Thlacam u sih.

thawnnak le zangfahnak Pathian, na Thiang Thlarau kha kan lungthin chung um awkah rak thlah law a sunparnak biakinn ah kan ser ko, tiah nangmah le Thiang Thlarau he a zungzal a nung i a kan uktu kan Bawipa Jesu Kri, na Fapa min in kanin hal. 

K. Amen.

Baibal relnak

Voikhatnak (Is. 11: 1-4)

Psalm Hla Chawnhlehnak

Ps.104:1,24, 27-28, 30-31, 33-34; R/ 30

Alleluia (Jn 14:16)

Thawngthabia (Jn. 20:19-23)

Cawnpiaknak

Penticost ni ah lamkaltu hna cu Bawipa nih a kamh hna bantuk in Thiang Thlarau kha an hmuh. Annih nih Thiang Thlarau kha midang sin peknak nawl zong an hmuh i tipilnak kha an tlinter. Mah kong hi Lamkaltu riantuannak ah kan hmuh. Mithiang Paul nih tipilnak a hmu cia mi hna cungah a kut a chuan tikah, Thiang Thlarau cu an cungah a tum i, holh phundang le profet bia kha an chim.

Bishop hna cu lamkaltu hna changtu an si i tipilnak a hmu mi hna cungah Thiang Thlarau peknak nawl kha an ngei. Anmah pumpak asiloah an thimmi siangbawi hna in an pek.

Atu kan chan ah Thiang Thlarau thapeknak ah Thiang Thlarau a ratnak cu holh phundang chimnak in ngiat a si ti lo, a ratnak kha zumhnak in kan hngalh. Thiang Thlarau nih kan lungthin kha Pathian dawtnak in a khahter, zumhnak pakhat sihmansehlaw auhnak dangdang in hmunkhatte ah a kan hruai i, Bupi kha pakhatte le a thiang mi a sinak hnga kan chungah rian a tuan.

Nan hmuh hnga mi Thiang Thlarau laksawng cu thlarau lei hmelchunhnak a si lai i, Khrih he an lawhter hna lai i a Bupi member tling ah an ser hna lai. Johan kut in tipil a in lio ah, Khrih hrimhrim kha Thiang Thlarau in chiti a thuh i, vawlei kha mei in khangh awkah mi zapi sinah a thlah.

Khrih chungah tipilnak kha nan hmuh cang i atu Thiang Thlarau `hawnnak le nan cal ah vailamtah hmelchunh-nak kha nan hmuh lai. Nannih nih vawlei mi vialte hmai ah a temhinnak, a thihnak le a thawh`hannak kha tehte nan khaan lai: nan nunning nih Khrih thatnak kha a langhter zungzal awk a si. Kri nih a Bupi kha laksawng phun dangdang in a pek i, Thlarau nih khi laksawng a phunphun kha lungkhahnak le dawtnak in Pathian miphun thiang kha derh awkah Krifa mi kha a phawt cio hna.

Bupi chungah aa zuam mi member si tuah u, Jesu Kri ah nung tuah u. Thiang Thlarau hruainak tangah, mi nih a rian `uanpiak awkah si loin mi rian tuanpiak awkah a ra mi, Kri a tuah bang khan, mi vialte rian`uan piaknak ah nan nunnak kha hmang u. Cu asicaah atu Thlarau nan hmuh hlanah, tipil nan in lio i nan tuah mi zumhnak biakamnak kha tharchuah than u.

Biakamnak Tharchuahnak

T. Satan le a rian`uannak vialte le pokpalawng a biakamnak vialte na hlaw maw?

K. Ka hlawt.

T. Zeizong tuah kho van le vawlei sertu Pa Pathian kha na zum maw?

K. Ka zumh.

T. Ngaknu thiang Mary nih a hrin, vailam an tah, a thi i an vui, mithi sinin a tho`han i atu ah Pa Pathian orhleikam ah a `hu mi Pathian Fapa ngeihchun, kan Bawipa Jesu Kri na zum maw?

K. Ka zumh.

T. Pentikost ni ah lamkaltu hna cungah a tum i nihin Thiang Thlarau thapeknak sacrament in na sinah pek a si hnga mi, Bawipa le nunnak petu, Thiang Thlarau kha na zum maw?

K. Ka zumh.

T. A Thiang mi Katholik Bupi, mithiang mi pumkhat sinak, sual ngaihthiamnak, pum thawh`hannak le zungzal nunnak na zum maw?

K. Ka zumh.

T. Mahhi kanmah zumhnak a si. Mahhi Bupi zumhnak a si. Kan Bawipa Jesuh Khrih chungah kan zumhnak phuan hi kan i uanpi mi a si.

K. Amen.

Kut Chuannak

( Daite in tlawmpal thlacam hnu ah kut chuan in )

A lianngan mi Pathian, kan Bawipa Jesuh Khrih a Pa, ti le Thiang Thlarau in na fapa le na fanu hna kha sualnak in na luatter hna i nunnak thar kha na pek hna. Na Thiang Thlarau kha Bawmtu le Lam Hruaitu in an cungah run thlah ko. Fimnak le hngalh thiamnak thlarau, ruahnak petu le ral`hatnak thlarau, hngalhnak le upatnak thlarau kha run pe ko hna. Khuaruahharnak le tihzahnak thlarau he na hmaika ah run khahter ko hna, tiah kan Bawipa Kri min in kanin hal.

K. Amen.

Chiti Thiang Thuhnak

T. N., Thiang Thlarau Laksawng in tacik khenh si ko tuah.

K. Amen.

T. Na sinah daihnak um ko seh.

K. Nangmah sin zongah um ko seh.

A Phunphun Halnak

T. Ka dawt mi hawile hna, a Thlarau nih a kan pek mi zumhnak, ruahchannak le dawtnak ah pumkhat kan si bantuk in kan Pa Pathian sinah lungkhat tein thlacam u sih.

T. Thlarau laksawng in thazang fehter mi, hi Pathian fanu le fapa hna nih, zumhnak le dawtnak cungah sak mi nunnak in Kri kha tehte an khaan khawhnak hnga caah.

K. Bawipa, kan thlacamnak run kan ngaihpiak ko.

T. Annih kha zumhnak ah a hruaitu an nu le an pa le lutlaitu hna nih an hmurka le an ziaza in Khrih Jesu nunning an zulhnak ah tha an pek khawh zungzal hna nak hnga caah. R/

K. Bawipa, kan thlacamnak run kan ngaihpiak ko.

T. Kan Pope N., kan Bishop N., le bishop vialte he hmunkhat in Pathian Bupi thiang ah hin Thiang Thlarau in a kan pum mi Pathian nih kannih kha a Fapa sunparnak he a rak kir hlantiang zumhnak le dawtnak pakhat chungah a kan thanternak hnga caah. R/

K. Bawipa, kan thlacamnak run kan ngaihpiak ko.

T. Kan Pa Pathian, na Thiang Thlarau kha lamkaltu hna cungah na rak thlah i, anmah le a chaangtu hna thawngin na miphun kha Thlarau na pek hna. Pen`ikost ni ah aa thawk mi a rian`uannak cu zumtu hna lungthin chungah rak `hanter zungzal ko, tiah kan Bawipa Kri min in kanin hal.

K. Amen.

Bawipa Thlacamnak

Vancung a um kan Pa, ...

Thluachuah Peknak

T. Pathian kan Pa nih ti le Thiang Thlarau in a fale ah an ser cang hna: Nannih kha thluachuah in pe hna sehlaw a dawtnak in in zohkhenh zungzal ko hna seh.

K. Amen.

T. Jesuh Khrih, Pathian Fapa nih biatak Thlarau cu a Bupi he a um zungzal lai tiah bia a kam: nannih kha thluachuah in pe hna sehlaw zumhnak hmaan nan phuannak ah ral`hatnak in pe ko hna seh.

K. Amen.

T. Thiang Thlarau cu zultu hna cungah a tum i an lungthin kha dawtnak in a alhter: nannih kha thluachuah in pe hna sehlaw, zumhnak le dawtnak ah pumkhat in siter hna sehlaw Pathian pennak i lawmhnak ah in hruai ko hna seh.

K. Amen.

T. A lianngan Pathian, Pa, le Fapa, le Thiang Thlarau nih thluachuah in pe ko hna seh.

K. Amen.