SALM 40:1-17

Thang`hatnak hla le bawmh hal thlacamnak

40. 1 Ka hngah, Bawipa cu ka hngah, cun a run ka kun hnawh i bawmh hal in ka `ahnak cu a theih. 2 ~ihnung horkuang chung le nawncek pon in a ka chuah. Lungpi cung ah fek tein a ka dirter. 3 Ka kaa ah hla thar, ka Pathian thang`hatnak hla, cu a khumh. An hmuh tik ah mi tampi cu an khuaruah a har tuk lai i Bawipa cu an i bochan lai. 4 Bawipa aa bochan mi, dodalhmang hna lei ah a `ang lo mi, cun palhnak lam a zawh lo mi, hna cu zei tluk thluachuak dah an si.

5 Bawipa ka Pathian, khuaruahharnak hna, kan ca i na khuakhannak hna, cu zei tluk tam dah na tuah cang hna―nangmah an tluktu aho hmanh an um lo. Ka phuan i ka thanh hna lai; relcawk lo an si. 6 Raithawinak le thlairawl pekchanhnak hna cu na duh mi an si lo, chimhngainak tu kha na ka pek, 7 khangh thawinak le sualthawinak hna cu na kan hal mi an si lo; cucaah keimah nih, ‘Hika ah ka um ko, ka ra lio,’ kan ti. 8 Cazual cauk chung ah khan keimah kong ah hitihin aa `ial, kei ka lunglawmhnak cu na duhnak tuah a si; ka Pathian, na phunglam cu ka philh bal hna lo.

9 Bawipa i khamh-dinnak cu pumhnakpi ah ka thanh lai. Zoh hmanh, `ha tein nan hngalh bang ka hmur ka cip lai lo. 10 Na khamh-dinnak cu ka thinlung chung ah ka hrenhkhumh lo i zumhtlak na sinak le na khamh-bawmhnak cu ka phuan. Na felnak le a fek mi na dawtnak cu mizapi tonnak ah ka phuan hna lai.11 Bawipa, nang nih cun na zaangfah dawtnak cu ka sin in na zuk lo; zumhtlak na sinak le a fek mi na dawtnak nih a ka kilven zungzal lai. 12 Zeicahtiah lungretheihnak nih chimcawk lo tiang in an ka kulh; ka sualnak nih an ka khuh cang i ka lam ka hmu kho ti lo. Ka lu cung ka samfa nakin an tam deuh, cun ka lung a dong tuk cang. 13 Bawipa, zaangfahnak in ka chanh ko, Bawipa, ra law khulrang in ka bawm ko! 14 Ka nunnak lak aa tim mi vialte cung ah ningzahnak le hnahnawhnak tlung seh. Ka vanchiatnak ah a di a riam mi vialte cu hnu ah i tawn hna sehlaw an hmaichia ko seh.15 Keimah kha diriam in, ‘Ha, ha, a rak ka titu vialte cu an ningzah in thi dih hna seh. 16 Sihmanhsehlaw nangmah an kawl mi vialte hna cung ah nuamhnak le lawmhnak um ko seh! Na khamh-`hawnnak a daw mi vialte nih ngol lo in, ‘Bawipa, nang cu na lianngan ko,’in ti hna seh.

17 Kei cu misifak le `ialo ka si ko nain Bawipa nih a hnakkar ah a ka tenh. Nang, a ka bawmtu, a ka khamhtu, ka Pathian, rau sawh hlah.