SALM 50:1-23

Thlarau le biatak in biak

50. 1 Pathian hna i Pathian, Bawipa, nih bia a chim: vawlei cu nichuahlei in nitlaklei tiang a auh. 2 Dawhnak tling Zion in a tlang; 3 kan Pathian cu a ra lio, dai tein a um lai lo. Mei alhpi nih hmai a sakpiak, thlipi nih a velchum in a kulh, 4 a mi hna bia ceih awkah van cu cung in le vawlei cu a auh hna.

5 ‘Ka biakamnak kha raithawinak in `acik a khenh mi a ka zum mi vialte hna ka hmai ah rak i pum tuah u,’ 6 Van nih a khamh-dinnak cu a thanh, ‘Pathian hrimhrim hi biaceihtu a si,’tiah a ti.

7 ‘Ka mi hna, bia ka chim mi hi ngai tuah u; Israel, keimah cu Pathian, na Pathian, ka sinak ka phuan. 8 ‘Nan raithawinak hi ka soi mi a si lo, hi khanghthawinak hna cu ka hmai ah an um zungzal ko. 9 Nan inn i cawtum le nan kawm i zei meheh hmanh ka cohlang ti lai lo. 10 ‘Zeicahtiah ramlak saram vialte, tlang cung i a thongthong in a tlong mi hna hi keimah ta an si; 11 Van vate vialte cu ka hngalh dih hna; ramlak a cawlcang mi thil nung vialte keimah ta an si dih.

12 ‘Vawleicung le a chung-um vialte cu keimah ta an si caah ka rawl a `am ahcun kan chim hna lai lo. 13 Cawtum sa cu maw ka ei lai i meheh thi cu maw ka din lai? 14 ‘Lawmhnak bia chim hi Pathian sin nan raithawinak si seh, Cungnung Bik sin nan tuah mi nan biakamnak cu tlinter u; 15 cun har caan ah nan ka auh tik ah kan chanh hna lai i upatnak nan ka pek lai.’ 16 Sihmanhsehlaw mi`halo cu Pathian nih: 17 Ka cawnpiaknak cu na fih hna i ka bia cu hnu na chit hna tik ah zeitin dah ka phunglam cu na rel i ka biakamnak cu na hmurka in na chuah ngam? 18 Mifir cu nan hmuh cangka in hawi nan i ser i nupa sualnak a tuah mi hna he na ngam ngai, 19 nan biaruahnak cu `hatlonak ca le nan lei cu lih`awnnak ca lawng ah nan hman.

20 Nan `hu i nan unau lila kong cu nan ceih, nan nu fapa cung ah ruahnak `halo nan ngei. 21 Hi hna hi na tuah tik ah zei chim lo in maw ka um hnga? Kei cu nanmah bantuk taktak ah maw nan ka rel? Sual kan phawt hna lai i hmaitonh in kan sawhchih cang hna lai. 22 ‘Nannih Pathian a philh mi hna hihi tuaktan tuah u, a si lo ahcun, tlanh ding ruahchannak um lo in kan thlehbauh dih hna lai. 23 Nan ka upatnak cu nan lunglawmh thawinak a si; midingfel cu Pathian khamhnak kha ka hmuhsak hna lai.