SALM 67:1-7

Tho hla

67. 1 Pathian nih a zaangfah dawtnak kan hmuhsak seh, a hmai cu kan cung ah tlanter hram seh. 2 Cu tik ah vawlei nih a lam cu a hngalh lai i miphun dihlak nih a khamh-`hawnnak cu an cohlan lai.

3 Pathian, miphun hna nih in thang`hat hna seh, miphun vialte nih in thang`hat hna seh. 4 Miphun cu i nuam hna sehlaw lawmhnak he hla sa hna seh, zeicahtiah vawlei cu dinnak he bia na ceih, mi cu tlukruan tein bia na ceih hna, vawleicung miphun hna cu lam na hruai hna.

5 Pathian, miphun hna nih in thang`hat hna seh, miphun vialte nih in thang`hat hna seh. 6 Vawlei nih thlairawl a chuahpi; Pathian, kan Pathian nih thlua a kan chuah. 7 Pathian nih thlua kan chuah rih hram seh, cun vawleicung dihlak ah upatnak co ko seh.