85

Daihnak le dinnak ca thlacamnak

85 1 Bawipa, nang nih na ram cu vel na ngeih, Jacob saltaang hna cu na kirpi `han hna; 2

na mi hna sualthurnak cu na lakpiak hna, an sualnak vialte cu na hnawhpiak hna.

3 Na thin naa sum, na thinlinhnak cu na hlawt.

4 A kan khamhtu Pathian, kan kirpi `han ko, kan cung i na lung tlinlonak cu daihter ko. 5

Zungzal in maw kan cung ah na thin a hun lai? Na thinlinhnak cu chankhat hnu chankhat

maw aa peh lai?

6 Na mi cu nangmah ah kan i nuam `han khawh naklai nunnak cu na kan pe `han ti lai lo

maw? 7 Bawipa, a fek mi na dawtnak cu kan hmuhsak law khamhnak a chuahpi mi na

bawmhnak cu kan pe ko.

8 Ka ngai ko. Pathian bia cu zei dah a si? Bawipa bia cu a mi le a zumtu hna ca ah daihnak

a si. An hruhnak cu an hlawt a hau ve. 9 A khamh-bawmhnak cu amah a `ih mi hna naih ah

a um, a sunparnak cu kan ram cung ah a tlaang lai. .

10 A fek mi Dawtnak le Zumhtlak sinak cu an i komh cang, Khamh-dinnak le Daihnak cu an i

kup cang. 11 Zumhtlak sinak cu vawlei in a tho lai i Dinnak nih van in a rung zoh lai.

12 Bawipa hrimhrim nih si`hatnak a pek lai i kan vawlei nih a thlairawl a chuahpi lai. 13 Dinnak

cu hmai ah a kal lai i lam kha a sialpiak lai.