101

Zohchunh awktlak hruaitu

101 1 A fek mi na dawtnak le na biaceih lairelnak cu hla in ka sak lai; nangmah sin ah

ringawn dawh ka thlah lai. 2 Soi awk a um lo mi lam in hmai ka nor lai; zeitik ah dah ka sin

ah na rat lai?

3 Ka innte ah cun, lungthin thiang tein, khua ka sa lai, dawhcah lo thil zei hmanh ka mit a thi

lai lo. Ziar ngei in a cawlcang mi hna cu ka huat hna; ka lung an ka lak hrimhrim lo. 4

Milungthur cu ka sin in chuak dih hna seh; mi`halo cu zei ah ka rel hna lo.

5 A ralkap hawi kha a thli tein a thangchiat mi cu ka hrawh hna lai; Ruamkai mithmai le

porthlawtnak lungthin a ngei mi cu ka zoh sawh hrim hna lai lo.

6 Zumhtlak a si mi rami hna cu hawikawm ca ah kaa kawl, lamding a zul mi lawng ka sal an

si lai.

7 Hlenhmang caah ka inn ah khaan a um lo, lihchim aho hmanh ka hmuh khawhnak hmun

ah a dir kho lai lo.

8 Zingkhat hnu zingkhat, ram chung mi`halo vialte cu ka daihter hna lai, Bawipa khualipi in

thil `halo- tuahtu vialte cu ka hloh dih hna lai.