SALM 49:1-20

Chawva pakpalawng

49. 1 Miphun vialte hna, hihi thei tuah u, leicung khuasa vialte hna, 2 a sang he a niam he, a rum he sifak he, ngai tuah u.

3 Ka hmur nih chimphuan ding fimnak le ka lung nih ruahnak `ha biathli a ngei. 4 Phungthluk bia cu `ha tein ka ngaih hna i ka biathuk cu hla in ka phan hna. 5 Lungretheih caan ah zeiruangah dah ka `ih lai? Chiatnak nih an bo i a ka dum. 6 An chawva i bochan in an rumnak an sawksam cu an i uanpi.

7 Sihmanhsehlaw aho hmanh nih amahte aa chanh khawh lo i amah tlanhnak man cu Pathian kha a pe kho bal lo, 8 a man a fak tuk caah 9 thihnak rilipi hrial in zungzal nun ding cu a si kho mi a si lo.10 Zeicahtiah mihrut le `ialo bang mifim zong an thi ve te lai i an rumnak cu midang kha an chiahtak te hna lai ti kha a hmuh te lai.

11 Zeicahtiah ram vialte kha an min an rak sak hna nain chankhat hnu chankhat an umnak ding thlan dah ti lo cu a hmun mi inn an ngei lo. 12 Mi cu an rum tik ah an thluak a tlau, zeihngalhlo saram tluk men an si cang. 13 Cucaah an covo thlan kha lungtling tein an co hlan poh cu hitin ninghngal in an um rih ko lai.

14 Annih cu tuu hna bang Mithi khua ah khumh mi an si, thihnak nih a hruai hna lai, cun milungthiang nih an uk hna lai. Thaizing ah cun an keneh vialte an lo dih cang lai, Mithi khua cu an inn a si lai. 15 Sihmanhsehlaw Pathian nih ka thlarau cu Mithi khua kut in a ka tlanh lai i a ka cawi lai.16 Mi pakhat cu a rum i thil `ha`ha a ngei tik ah na khuaruah har len hlah seh; 17 a thih tik ah zei hmanh aa kalpi lai lo, a chawva nih a zul lai lo. 18 A nun chung ah thil `ha`ha in aa `amh ko lai, - cun aa zohkhenh thiam caah mi nih an thang`hat ko lai, asinain- 19 a pupa hna hnu cu a zul ve ko lai, ceunak cu a hmu `han bal ti lai lo. 20 Mi cu an rum tik ah an khuaruahnak a tlau, zeihngallo saram nakin zei hmanh an hngal hlei lo.