98

Leicung biaceihtu

98 1 Bawipa sin ah hlathar sa tuah u, zeicahtiah khuaruahhar thil kha a tuah cang hna, a

khamh `hawnnak cu a orhlei kut le a ban thiang ah a um.

2 Bawipa nih a khamh `hawnnak cu a hngalhter cang, miphun dang hna hmuh awk ah a

khamh-dinnak cu a phuan cang, 3 Israel Chung ca ah a ngeih mi a fek mi a dawtnak le

zumhtlak a sinak cu a philh lo.

Vawlei pumpaluk nih kan Pathian i khamh `hawnnak cu an hmuh cang. 4 Vawlei dihlak

Bawipa cu thang`hat tuah, nuamhnak he fakpi in au tuah u.

5 Bawipa sin ah tingtang tum tuah u, 6 ringawn tum thawng, muko le saki hna tum thawng he

Siangpahrang umpinak cu conglawmh tuah u.

7 Rili le a chung-um vialte hna, vawlei le a chung-um vialte hna nih thanh hna seh. 8 Tiva hna

nih an kut beng hna sehlaw tlang hna nih hmunkhat ah nuam in au hna seh

9 Bawipa cu a nai cang, amah cu a ra lio, vawlei biaceih awk ah a ra lio; vawlei kha khamh-

dinnak le miphun dang cu tlukruannak he bia a ceih hna lai.