SALM 19:1-14

Khamh-dinnak nika, Bawipa

19. 1 Van hna nih Pathian sunparnak cu an thanh, van dumpi nih a kutzung cu a phuan, 2 Pathian hngalhnak cu chun nih chun sin ah, zan nih zan sin ah a chanhchin. 3 An holh lo, bia kaa khat hmanh an chim lo, an aw zong theih a si lo, 4 sihmanhsehlaw vawlei pumpaluk ah a kutzung cu hmuh khawh an si, an bia cu vawlei khuazakip ah a cul.Cungsang ah khin ni ca ah deu thlam pakhat a sak, 5 nupi`hi tlangvalpa bang a khaan in a rak chuak, tlikzuamnak i teitu bang aa nuam. 6 Vanhram deng khattelei in a rak chuak i, a lamte zulh in, adang khattelei ah a liam, zeihmanh nih a khua lumnak in a luat lo.7 Bawipa Phungbia cu a tling, thlarau kha thazaang thar a pek; Bawipa nawlchuah cu zumhtlak a si, zapi ca ah fimnak a si.8 Bawipa phunglam cu a thiang, lung a lawmhter; Bawpa nawlbia cu a thiang, mit ca ah ceunak a si.9 Bawipa `ih cu a thiang, zungzal in a hmun; Bawipa biaceihnak cu a hmaan, mikip ca ah a ding, 10 sui nakin, man fak bik sui, nakin duh a nung deuh; a bia cu khuaihliti, khuaithlar in a rung tla mi khuaihliti, nakin a thlum deuh.11 Cucaah na salpa cu hi hna nih hin an ka sersiam, ka zulh hnanak nih laksawng tampi an ka phorh. 12 Sihmanhsehlaw aho nih dah a chambaunak cu a purhdah khawh lai? A thlithup ka palhnak hna cu ka thianhpiak tuah.13 Cun na salpa cu porlhawtnak in ka luatter ko, amah cu ka saya si bal hlah seh. Cu tik ah kei cu soi awk ka ngei lai lo i sualngan in ka luat lai.14 Bawipa, ka hmurka i bia le biathli ka chim mi hna cu na hmaika ah mithmai `ha hmu hram hna seh, ka lungpi, ka tlanhtu.