SALM 34:1-22

Pathian dinnak thangthatnak

34. 1 Bawipa cu zungzal in ka thang`hat lai, a thang`hatnak cu ngol lo in ka chim lai. 2 Bawipa cu ka lungthin dihlak in ka thang`hat lai; mitoidor nih thei hna seh law i nuam hna seh. 3 Keimah he Bawipa lianngannak cu thanh tuah u; hmunkhat tein a min cu conglawmh usih.

4 Bawipa nih ka nawlnak cu a ka leh, `ihphannak vialte in a ka luatter. 5 Bawipa kha mi`hep lo in zoh law na hmai a ceu lai, na hmai a chia bal lai lo. 6 Misifak nih a sin ah an au i Bawipa nih a theih hna, an lungretheihnak vialte in a khamh hna. 7 Bawipa vancungmi cu amah a `ih mi hna velchum ah khan riahhmun an ser i annih kha a khamh hna. 8 Bawipa cu a `ha ti kha tep ulaw hmu tuah u. A tang i aa dor mi hna cu zei tluk thluachuakmi dah an si. 9 Nannih a mithiang hna, Bawipa cu `ih u; amah a `ih mi hna cu zei hmanh an bau lo.10 Chiandeih tumno hna cu paw lawng le rawl`am in an vak kho men, sihmanhsehlaw Bawipa a `ih mi hna cu thil`ha zei hmanh an bau bal lo. 11 Ka fale hna, ra ulaw ngai tuah u; Bawipa `ih kan cawnpiak hna lai. 12 Nanmah lak ah hin aho dah nunnuamhnak a duh i chan chung chawva he khat a duh? 13 Nan lei cu `hatlonak in, nan hmur cu lihchimnak in veng u. 14 ~hatlonak kha hrial ulaw `hatnak kha tuah u; daihnak kha kawl ulaw caw u.15 Bawipa mit cu miding hna cung ah a um i an `ahnak cu a theih hna. 16 Sihmanhsehlaw Bawipa nih cun `hatlonak a tuah mi hna cu a mitsen in a zoh hna, cucu annih an philh lonak kha vawlei in hloh dih awk ah a si.17 Lungkuai in a sin ah an au i Bawipa nih a leh hna, an lungretheihnak vialte in a chuah hna.18 Bawipa cu milungkuai hna naih ah a um, a lung a maan mi hna kha a bawmh hna.19 Harsatnak rel cawk lo nih miding cu a tlunh, nain Bawipa nih cu vialte chung in a chanh. 20 Bawipa nih an ruh vialte cu a kilkawi hna i pakhat hmanh an kiak lai lo.

21 Sihmanhsehlaw `hatlonak nih mi`halo cu thihnak kha a phorh, miding a hua mi hna cu dantatnak an huah lai. 22 Bawipa nih amah a rianh mi hna an nunnak cu a tlanh hna lai, cun a tang aa dor mi hna cu dantatnak an huah lai lo.